●1 nyied 11 hauh, Gunghcwngz Yauzcuz Swciyen Yinzvujbu caeuq minzcwng bumwnz dangdieg gapbaenz veivwncuj bae daengz Gyahvei Cin、 Bingzanh Yangh、 Gungh- cwngz Cin, soengq gij bauqheij bae hawj ndaw ranz bouxbing ndaej 2016 nienz- doh samdaengjgoeng haenx, camnai ranz bouxbing ngamq bae dang bing haenx, caemhcaiq soengq gij hohfuk bi moq caeuq cienzcamnai nem doxgaiq bae hawj gyoengqde.

(Liengz Veih Lij Mouyangh)

●Gaenh bi neix daeuj, Yungzsuij Myauzcuz Swci- yen haenqrengz hwngfat yawj gingjsaek lijyouz nungzyez, yungh gij vunqsik “gyaeujlungz giyez+hoz- cozse+ranzgungzhoj” cujciz diegnamh riuzcienj, haifat youqndwi gvaq gyajgeiz gingjgih、 mbaetsou gva mak daengj hanghmoeg, hawj gyoengqvunz rimhoz youq- ndwi doengzseiz hix bang- rengz cingcinj bangfuz.

(Lungz Dauh)

●1 nyied 10 hauh, gyoengq vunzlai siujsoq minzcuz Libuj Yen Lungzbeih Yangh youq gyang haw senjleh doiq cieng. Mboengqneix, aen yienh neix haiguh soengq doiq cieng hawj vunzlai hozdung mbouj aeu cienz, ndaw yienh gyoengq boux ak sij saw mauzbit haeuj gai haeuj mbanj, soengq doiq cieng hawj vunzlai diegbya mbouj aeu cienz, cauh ok gij heiqfaenh ciengmoq cietndei.

(Couh Cinyenj Liz Cinyungj)

●Yungzanh Yen dwg dieg ndaem oij cujyau he, daengx yienh ndaem oij mienhcik daengz 5.4 fanh moux, 2016/2017 geiq guj- suenq miz oij haeuj cangj daengz 20 fanh dun, canjciz mauhgvaq 1 ik maenz ngaenz, ndaem oij dwg vunzlai gungzhoj dangdieg vut gungz baenz fouq canjnieb cujyau ndawde cungj he.

(Danz Gaijhingh)