Ngoenzsinghgiz, gou caeuq daxmeh bae ranz daxdaiq cawj ngaiz. Cawj ngaiz sat le, gou doiq daxmeh naeuz:“Raeuz ma ranz ba!” Daxmeh naeuz:“Raeuz lij mbouj ndaej ma ranz.” Daxmeh gaem hwnj gaiqdohbaj, cat deihbanj ranz daxdaiq ndaej seuqsatsat. Gou youh cam:“Seizneix ndaej ma ranz luba?” “Mbouj ndaej, raeuz lij bang daxdaiq guh sojmiz gij saeh sat le cij ndaej ma ranz.” Daxmeh aeu doengjcimqdin hawj daxdaiq cimq din. Daxmeh daek gyangdoengj raemxndat daeuj le, de maeuq roengz- daeuj, sien dwg bang daxdaiq vid gavaq hwnj, yienzhaeuh yaengyaeng cuengq din daxdaiq roengz doengj bae, hawj song din cimq youq ndaw raemx nyaenj din. Bang daxdaiq uet din hawq le, daxmeh youh cingjleix aenrug daxdaiq. Doeklaeng, daxmeh raeuj boi cijvaiz he hawj daxdaiq gwn le cij dauqma.

Youq gwnz loh dauqma, daxmeh doiq gou naeuz:“Guh sienh aeu hauq- swnh guh gonq, bouxnomj wnggai bang bouxlaux guh saeh.” Gou ngaekngaek gyaeuj naeuz:“Gou baezlaeng hix lumj mwngz yienghneix.”

(ngeih nienzgaep Huz Gyahvei)