●Yaek daengz cieng lo, vih caenh’itbouh gyalai guenjleix bauqva bauqrengh, gveihfan hawciengz gaicawx bauqva bauqrengh, fuengzre caeuq gemjnoix fatseng gij gojsaeh bauqva bauqrengh, cietsaed baujcang vunzlai sengmingh ngaenzcienz ancienz. Mboengqneix Cingsih Si Vadung Baijcuzsoj doiq 20 lai aen dieg gai bauqva bauqrengh dieg guenjleix guh ancienz genjcaz, siu bae gij huxndumj mbouj ancienz.

(Vangz Anhcungh)

●Sanhgyangh Dungcuz Swciyen bi 2009 dawz Liengzgouj Yangh Nanzcai Cunh Mbanjliengzli 20 lai hoh vunzmbanj daj gyang bya senj daengz henz roenguek, caemhcaiq aeu Mbanjdung moq dajcauh baenz comz minzsuz daejniemh、 daegsaek dieg gwnhaeux nem youqndwi ep bya daengj guh itheij, hawj baenz dieggingj youqndwi swnghdai lajmbanj lijyouz dox giethab he, bang beixnuengx Dungcuz vut gungz baenz fouq.

(Vangz Yaubangh)

●Mboengqneix, Nanz- danh Yen Bazhih Yauzcuz Yangh Yauzcai Cunh aen cungsim cawqleix nyapnyaj cunh gaep haihong. Ciuq cam rox, aen gunghcwngz neix bued roengz 130 fanh maenz ngaenz, gujsuenq ndwen 4 guhsat. Hwnjguh dieg cawqleix nyapnyaj yaek gaijndei gij vanzging veiswngh diuzgienh Yauzcai Cunh、 Gvanhsih Cunh、 Dangzlang Cunh、 Bazhah Cunh gungh 1000 lai hoh aen yangh neix.

(Moz Gijcauh)

●Gaenh bi neix daeuj, Duh’anh Yauzcuz Swciyen yungh ndei minzcuz cwngcwz dangj, ndaejdaengz gak gaep dangjveij、 cwngfuj haenqrengz haeujcoengh, goengloh laj- mbanj guh ndaej vaiq, lajmbanj gyaudoeng diuzgienh ndaej gaijndei yienhda, vunz- lai Byayauz hix byaij hwnj le diuz roen hwngfat riengjvaiq. Seizneix, goengloh lajmbanj aen yienh neix diegdieg cungj doeng, rengzrwd coicaenh lajmbanj hwngfat, hawj boux- guhnaz ndaej laisou.

(Lanz Fuzgvanh)