Guengjsae Minzcunghveij gig yawjnaek hong baujhoh caeuq hwngfat gunghyibinj fwngzguh siujsoq minzcuz, gaenh sam bi neix daeuj gungh bued roengz ngaenzcienz 600 fanh maenz, cujyau yungh guh bangfuz dajsan、 dajsiuq buhvaq ndangdaenj siujsoq minzcuz Cuengh、 Yauz、 Myauz、 Dung daengj, guh doxgaiq yisuz vwnzva siujsoq minzcuz aennyenz、 aenvenz、 gang’vax daengj caeuq yungh nywj、 faexndoek、 gaeu daengj fwngz san doxgaiq siujsoq minzcuz daengj.

It dwg bangfuz gij giyez guh gunghyibinj fwngzguh siujsoq minzcuz miz itdingh gveihmoz caeuq saedlig haenx haifat、 senhconz doigvangq、 son’gyauq dinfwngz、 swnggaep gaij- cauh gisuz.

Ngeih dwg caeuq hagdangz、 cizyez gyauyuz gihgou nem gij giyez guh doxgaiq minzcuz yungh seizneix miz haenx doxgap, comz vunzlai siujsoq minzcuz dangdieg roxnaeuz bouxguhhong fwngzguh haiguh son- gyauq dinfwngz fwngzguh.

Sam dwg dawz hong baujhoh caeuq hwngfat aenmbanj siujsoq minzcuz miz daegsaek dox giethab, anbaiz ngaenzcienz yungh de bangfuz hwngfat guh caeuq siugai gij buhvaq、 ndangdaenj aenmbanj siujsoq minzcuz miz daegsaek, daezsang canjbinj binjciz, gya’gvangq roenloh souhaeuj vunzlai.

Seiq dwg sonyinx giyez camgya gvendaengz hoih baijgai nem ngoenzciet angqhoh hozdung, doeng- gvaq senhconz doigvangq gaisau, gyalai gij yingjyangjliz doxgaiq fwngz- guh siujsoq minzcuz.

(Dwng Sihyenz/邓诗源)