Siujyoz rim roek bi

Cingzcik gou ceiq yaez

Hag mbouj ndaej gijmaz

Seizneix ienq mbouj dingz

Baenzngoenz cungj guhcaemz

Ngoenz ndat bae gauj raemx

Ciengz bae caeg mak heu

Lij bae nyeu daekgaeuj

Dan rox ngeix guhcaemz

Hwnzngoenz mbouj yawjsaw

Bouxlaux naeuz youh euq

Lauxsae gyauq youh dengj

Roek bi guhcaemz gvaq

Saw mbouj rox geij aen

Suenq soq hix mbouj deng

Dauhleix engq mbouj rox

Seizneix naemj hwnjdaeuj

Hojsik ndaej sim’in

Muengh caezgya roxhit

Seizgan mbouj rox dauq