●2016 nienz 12 nyied 28 hauh, Mungzsanh Yen banh eu fwen doxdax angqhoh 2017 nienz yenz- dan, 30 boux canghfwen gak minzcuz daj daengx yienh gak yanghcin daeuj haenx camgya eu fwen doxdax, baez doxdax neix neiyungz fung- fouq lai yiengh, canghfwen gak minzcuz roengzsim eu fwen, ndaejdaengz yienh- ciengz bouxyawj haenhndei, fungfouq le saedceij vwnzva gak cuz beksingq, hawj gyoengqde gvaq mbat yenzdan angqyangz vuenyungz he.

(Gyangh Yungjluz)

●Yenzdan geizgan, miz haujlai hekyouz bae Gungh- cwngz Yauzcuz Swciyen yawjngonz youzcet, vih hawj hekyouz lai roxyiuj Gungh- cwngz, aen yienh neix haiguh baenzdauq Yauzcuz vwnzva hozdung fungfouq lai yiengh, hawj gyoengq hekyouz roxyiuj Yauzcuz vwnzva caeuq heiqsik bonjdieg Gunghcwngz.

(Couh Binjciuh Cinz Linz)

●2016 nienz 12 nyied 30 hauh, doih aenvenz hagseng Yungzsuij Myauzcuz Swciyen Minzcuz Cunghyoz haiguh “cauxeiq coux bi moq” hozdung, gyoengq hagseng yungh gak cungj fuengsik baij baenz cih “2017” ingj siengq louz- niemh, caemhcaiq guh Myauzcuz conzdungj rag gyong doxdax dem, angqhoh bi moq daeujdaengz.

(Lungz Dauh)

●Gaenh bi neix daeuj, Dasinh Yen Leizbingz Cin Houyi Cunh Mbanjfuzginh ciuq dieg bae guh, cungfaen leihyungh raemx lai、 dieg- namh hab ndaem biek daengj swhyenz ndei, habdangq hwngfat ndaem biek, gyalai souhaeuj, yungh gij vunqsik oij-haeuxnaz-byaek doxlwnz ndaem, yungh bwnhranz、 daeuh daengj bae dwk lwgbiek、byaek, gij byaek、 biek ndaem okdaeuj haenx miz gij daegdiemj rang、van、 byoiq daengj, ndaejdaengz bouxcawx haengjgyaez.

(Luz Sezfangh)