Ningzmingz Yen 《Sinhvwnz Vah- cuengh》 cezmuz daj bi 2007 ndwen 10 haicuengq daengz seizneix, vunzlai sou yawj mboujduenh gyalai, ndaejdaengz vunzlai haenhndei.

It dwg dox boiqhab, daezsang cezmuz caetliengh. Bi 2016, 《Sinhvwnz Vahcuengh》 cezmuz laebdaeb hai- cuengq, youq seiz boqcuengq ging- gvaq, Ningzmingz Yen Minzyijban caeuq Yen Gvangjdengiz dox boiqhab, doengzcaez damqra, cezmuz neiyungz dawz senhconz fuengcim cwngcwz dangj caeuq guekgya、 gohyoz cihsiz、gingniemh baenz fouq guhcawj, daezsang le gij naengzlig boqcuengq caeuq caetliengh cezmuz.

Ngeih dwg gaijndei cezmuz, gya- gvangq boqcuengq lai dieg cwgoemq. Doenggvaq dingq gij bihbingz yigen lingjdauj、 lauxhangz caeuq doengz- hangz, Ningzmingz Yen Minzyijban caeuq densidaiz 《Sinhvwnz Vah- cuengh》 lanzmoegcuj boux guhhong roengzrengz gaijndei gij boqcuengq neiyungz caeuq vah boqyaem cezmuz, neiyungz depgyawj saedceij beksingq lajmbanj, vahgangj yungh vahdeih- fueng, ceng’aeu dawz 《Sinhvwnz Vahcuengh》 banh baenz gij densi cezmuz hawj gyoengq vunzlai Boux- cuengh haengj yawj gyaez dingq haenx. Seizneix, 《Sinhvwnz Vahcuengh》 gaenq doenggvaq mizsienq densi vangjloz cwgoemq daengz daengx yienh 13 aen yanghcin 51 aen hingzcwngcunh, 23 fanh gyaeujvunz, bi 2016 daeuj, gungh boqcuengq 44 geiz 96 baez.

Sam dwg cingjhab swhyenz, baujmaenh haicuengq 《Sinhvwnz Vahcuengh》. Gij cingzgvang vunz giepnoix、 sezbei haemq noix、 ngaenz- cienz mbouj gaeuq, Ningzmingz Densidaiz ndaej haekfug hojnanz, cingjhab swhyenz, baujmaenh hai- cuengq 《Sinhvwnz Vahcuengh》, caemhcaiq haicuengq cingzgvang cingqciengz gvaq binaengz, hawj vunzlai dieg Bouxcuengh lai cungj vwnzva ngaizhoengh ndeu, vih henhoh dieg gapgyaiq vwnzva vahgangj ancienz gyalai faq ciengz ndeu.

(Vangz Danh/王丹 Sinh Gyah- bingz/申家萍)