●Gaenh bi neix daeuj, Gunghcwngz Yauzcuz Swciyen gunghsangh ciz- genh、 nungzyez、 suijli daengj bumwnz doenggvaq gyalai sonyinx beizyin, lwgmak binjciz、 canjlieng ndaej daezsang yienhda. Bineix daengx yienh 18 fanh moux makndae, sou ndaej 33 fanh dun, gyaqcienz beij bi’gvaq doengzgeiz hwnjsang 20%.

(Couh Binjciuh Liuz Cisungh)

●Gaenh bi neix daeuj, Yungzanh Yen doenggvaq yungh ciengj lawh bouj canjnieb bangfuz cwngcwz, gikfat gij yiedcingz boux- guhnaz ndaem makgaemjgaet, bi 2016, Yungzanh Yen ndaem makgaemjgaet mienh- cik daih’iek 11.5 fanh moux, bi sou ndaej 9.5 fanh dun lwgmak, gai ndaej ca mbouj lai 5 ik maenz ngaenz.

(Cinz Ginghoz)

●12 nyied 22 daengz 24 hauh, Nazboh Yen Sizbinj Yozbinj Genhduz Gvanjlij Giz cujciz Ginhciuh Yisuz- donz aen yienh neix, bae gak yanghcin gak mbanj cunzyienj, hawj vunzlai gak cuz yawj eu fwen、 siujbinj、 ciengqgo daengj vwnzyi biujyienj caeuq cihsiz doxdap seiz hag rox gij cwngcwz iugouz ancienz cihsiz gijgwn yw caeuq gaicawx gijgwn yw, gyagiengz vunzlai gak cuz rox ancienz gijgwn caeuq yw.

(Hij Cigingh Linz Yungzsenh)

●Gaenh bi neix daeuj, Sanhgyangh Dungcuz Swciyen Danhcouh Cin aeu “gyaeundei Guengjsae·swnghdai lajmbanj” caeuq cauxlaeb Guengjsae aen yienh lijyouz daegsaek ok- mingz guh seizndei, doeng- gvaq riuzcienj diegnamh, youq henz 209 roenguek cungdenj dajcauh fuk veh haeuxnaz Leizdung、 vahaij Caidangz、 suenmiuz Hungz- loh daengj “it mbanj it yiengh” swnghdai fouq minz canjnieb, haenqrengz bang beksingq vut gungz baenz fouq.

(Gungh Bujgangh)