It dwg bineix “sam nyied sam” hozdung seiz, youq densi cigboq cawj yienhciengz——Ningzmingz Yen Byaraiz Vwnzva Gvangjcangz seiq- lengq, Ningzmingz Yen Minzcuzgiz Minzyijban venj fuk baengzhoengz miz Cuengh Gun song cungj saw 22 diuz, cien boux vunz habciengq 《Fwen Couxhek》; gvaqlaeng 《Fwen Coux- hek》 Vahcuengh ndaej yinx haeuj hagdangz、 buen hwnj daizheiq cienz- ciengq.

Ngeih dwg gyagiengz minzcuz cwngcwz senhconz, youq “ndwen senhconz minzcuz doxgiet cinbu” geizgan, bae daengz yanghcin ngoenz- haw、 ciet gobo senhconz seiz venj fuk baengzhoengz miz Cuengh Gun song cungj saw 17 diuz.

Sam dwg dawz Vahcuengh guh- cawj haiguh lajmbanj gak cungj ngoenzciet angqhoh hozdung, dingzlai cungj dwg youq mbanj Bouxcuengh, boux camgya hix dwg vunzlai Boux- cuengh, ndigah bouxcujciz gangjvah、 cezmuz gag bien gag yienj haenx, cungj dwg yungh Vahcuengh, “beixnuengx” doenghgij sing neix hawj vunz roxnyinh caenciet, daegbied dwg Fwencuengh、 《Fwen Couxhek》 Vahcuengh、 siujbinj Vahcuengh 《Lajmbanj Gyaeundei》 《Heiqfwen Vahcuengh》 engq hawj vunzlai haengjgyaez.

(Liuz Yencuh/刘艳珠 Sinh Gyah- bingz/申家萍)