“Gijmaz vunz gojyij yawj ndaej ok, seiz lawz baenzlawz yawj ndaej ok ha? Lij miz dieg lawz hix mbouj yawj ndaej ok ne.” Daegcoengh naeuz.

Mehnax cam: “Dahniq daenj gijmaz, raek gijmaz?”

“De daenj buhmienz va, raek gaenheuxhoz nanwt.”

“Gijneix biujsi dwg gijmaz geiqciet?”

“Seizdoeng.” Daegcoengh sawq- mwh rox lo. “Lij miz gofaex baihlaeng hwzbanj hix mbouj miz mbawfaex, hix biujsi dwg seizdoeng lo.”

Mehnax caem:“Mwngz yawj ndaej ok dienheiq dangseiz lwi?”

“Yawj ndaej ok. Gwnzmbwn mbin miz siet, gofaex iq deng rumz bongj vangungj lo, gangjmingz dwg dienheiq roengzsiet bongjrumz.”

“Deng.” Mehnax gig angq, “Yienghneix dwg dieg lawz ne?”

“Daj baihlaeng siengbwzyez daeuj yawj, dieg haenx wnggai dwg dieg gisieng cazyawj.”

Mehnax naeuz:“Gig deng. Mbouj- gvaq, loengh cingjcuj cienzbouh eiqsei le, lij aeu cazyawj mbangjgiz, yawj cingcuj giziq, aeu neiyungz ndaw doz lienzhaeh hwnjdaeuj siengj. Lumj- baenz, seiz lawz dieg lawz lij ndaej caiq gidij di he. Mwngz naengz mbouj naengz doisiengj okdaeuj?”

Daegcoengh naeuz:“Yaek geiq ‘dienheiq ngoenzneix’, gig aiq dwg youq gyanghaet, vanzlij dwg gyanghaet roengzsiet bongjrumz. Gwnz hwzbanj sij ‘laj lingz 5 doh’ ‘rumz saebaek’, gangjmingz dienheiq gig nit.”

“Deng.” Mehnax cam, “Yiengh- neix dwg dieg lawz ne?”

“Daihgaiq dwg youq gyang- doengh, roxnaeuz gungxgok ndaw hagdangz ba.” Daegcoengh mbouj haengjdingh ndaej.

Mehnax faensik hawj Daeg- coengh nyi:“Dieg gisieng cazyawj yaek aeu ndaej soqgawq swyenz gisieng, danghnaeuz youq ndaw ranz ndawsingz, fuengyiengq rumz、rengz rumz、heiqvwn、cumxhawq caek ndaej haenx couh itdingh mbouj cinj.”

“Mehnax, gou rox lo. Dieg cazyawj itdingh laeb youq dieg liz vunz haemq gyae, dieg haemq sang roxnaeuz haemq gvangqlangh haenx.”

(2)