●11 nyied doxdaeuj, Denzyangz Yen Yifung Cin comz rengz, cujciz daengxcungq lingj- dauj ganbu lienzhab yen gungh- sangh、 gyauhgingj、 cwngz- gvanj daengj gvendaengz bumwnz doiq gaihaw daengx aen cin guh gyoebgyonj cingjceih, baujmaenh ngoenznaengz cungj miz doih cingjceih hwnj gai cunzcaz, raen miz vwndiz aeu sikhaek cawqleix caeuq cingj- gaij. Ginggvaq ndwen lai seizgan mboujduenh cingjceih, gaihaw daengx aen cin bienq le yiengh moq. Gak cungj ndaej miz bouhloh caezcingj, vanzging veiswngh cinghseuq.

(Vangz Gozsun)

●Mboengqneix, Liujcouh Si Gungh’anh Giz Gyauhgingj Cihdui caeuq Liujcouh Gyau- doeng Gvangjbo cujciz boux- simndei、 donzdij simndei ndawbiengz, haiguh simndei banghag hozdung haeuj diegbya Sanhgyangh Dungcuz Swciyen Dungzloz Myauzcuz Yangh Cingdai Siujyoz、 Liengzgouj Yangh Gunjliengz Siujyoz song aen hagdangz, byaijcunz ranz hagseng gungzhoj, soengq doxgaiq bouxsimndei gak baih ndawbiengz giensoengq haenx bae hawj gyoengq lwgnyez siujsoq minzcuz, senhconz gyaudoeng ancienz cihsiz.

(Cinz Fulinz Veiz Yaujbingh)

●12 nyied 16 daengz 18 hauh, bi 2016 Bahmaj Yauzcuz Swciyen 60 hopbi yenging “souyanghbeih” giuzdou boux- geq、 binghbanghgiuz iucingj doxdax youq yienhsingz Bahmaj banh. 19 aen doihdaiqbiuj 200 lai boux bouxgyaez giuzdou、 binghbanghgiuz daeuj camgya doxdax.

(Liengz Sauwnh)

●Gaenh geij bi neix daeuj, Sanhgyangh Dungcuz Swciyen ciuq dieg bae guh, haenqrengz doicaenh ndaem haeuxnaz ciengx bya daegsaek canjnieb, haenqrengz guh ndei ndaem、 guenj、 gai haenqrengz cienz- bouh fugsaeh, cujciz gungsiuhse ganbu bae gyang reih gyang naz baujgyaq soucawx, hawj vunzmbanj mbouj okdou couh ndaej soengsed saedyienh souhaeuj gyalai.

(Gungh Bujgangh)