It dwg hailaeb minzcuz gyauyuz gocwngz. Youq siujyoz sam、 seiq nienzgaep hailaeb 《Gyaranz Hung Cunghvaz》 gocwngz, youq siujyoz haj、 roek nienzgaep hailaeb 《Minzcuz Ciengzsik》 gocwngz, youq cuhcungh it、 ngeih nienzgaep hailaeb 《Minzcuz Cwngcwz Ciengzsik》 gocwngz, youq bujdungh gauhcungh it、 ngeih nienzgaep hailaeb 《Minzcuz Lijlun Ciengzsik》 gocwngz, youq cunghdwngj cizyez hagdangz hailaeb 《Minzcuz Lijlun Ciengzsik Saedhengz Gyauyuz》 gocwngz, caemhcaiq ciuq gvidingh dangzgoq anbaiz sonhag.

Ngeih dwg biensij sawsonhag bonjdieg gig miz daegsaek minzcuz Mauznanzcuz haenx. Biensij 《Fung- cingz Mauznanz Hom Gyaeu Vanz- gyangh》 caeuq 《Senjdoeg Gojgaeq Ndawbiengz Mauznanzcuz》 sawsonhag bonjdieg vwnzva minzcuz Mauznanz- cuz, faenbied doiq Mauznanzcuz hwngfat lizsij、 fungsug sibgvenq, ndangdaenj minzcuz、 gijgwn、 ngoenz- ciet, dinfwngz dozveh、 vwnzyoz ndawbiengz、 conzdungj dijyuz、 gingj- saek daengj guh gaisau, caiqlij boiq miz doz ndeiyawj dem. Fat hawj cungh siuj hagseng daengx yienh mbouj aeu cienz, dangguh sawsonhag senjdoeg rogdangz ndaejdaengz hag- seng haengjgyaez.

Sam dwg haiguh “haj aen ndeu”hozdung. Cungfaen fatok gij goeng- naengz caidij dwzyuz vwnzdij hozdung, hagdangz lauxsae hagseng gvangqlangh haiguh “rox gangj coenz vah minzcuz ndeu, rox veh fuk veh daezcaiz minzcuz ndeu, rox ciengq hot go minzcuz ndeu, rox diuq cungj diuqfoux minzcuz ndeu, rox gangj aen gojgaeq minzcuz ndeu” daengj “haj aen ndeu” hozdung, demlai gyoengq lauxsae hagseng roxyiuj vwnzva minz- cuz caeuq fungcingz minzcuz Mauz- nanzcuz, gyagiengz minzcuz miznaj.

Seiq dwg byaij diuz roen vwnzva daegsaek. Dawz go Mauznanzcuz、 veh mauhngeg Mauznanz、 Mauznanz dijyuz hanghmoeg、 geiz ndawbiengz Mauznanz daengj yinx haeuj hagdangz, yungzhaeuj goqdangz, baujmaenh moix haggeiz banh baez daihhingz ciet yisuz vwnzva hagdangz ndeu, aeundaej yaugoj gig ndei.

(Dwng Sihyenz/邓诗源 Lij Boz/李 博)