Bakdou aenbouq gai dox- gaiq laj laeuz miz duz meuzgeq he, gwnz hoz de deng diuz lienhdiet he suj youq, gyaeuj lienhdiet he cug youq gwnz diuz guenjraemx he. Meuzgeq deng suj youq gizneix haujlai bi lo, hojlienz dangqmaz.

Miz seiz, meuzgeq yawj- raen gou, aenbak “meumeu” hemq mbouj dingz, lumj dwg naeuz:“Siuj baengzyoux, cingj mwngz gouqgouq gou ba.” Raemxda gou cungj yaek doek lo, caen siengj daiq de ma ranz, hojsik gou mbouj dwg bouxcawj de.

Miz baez ndeu, gou yawj- raen bouxcawj de cuengq gij- gwn haemq gyae, meuzgeq siengj gwn, hoeng gwn mbouj daengz. Gou couh bang de daenq gijgwn gyawj di. Gou gamjdaengz bouxcawj de daiq mbouj gyaez doenghduz lo.

Gou siengj doiq gij vunz ciengx doenghduz iq haenx naeuz, cingj doiqdaih ndei sengmingh iq henz ndang mwngz.

(ngeih nienzgaep Liuz Siuhyez)