Daegcoengh youq laj daeng byaengq da yawj fuk doz gwnz saw, yaek ciuq ndaw doz sij bien cozvwnz he. Fukdoz gig genjdanh, cij miz dahniq he, naj doiq hwzbanj iq, cingq geiq dienheiq cingzgvang dangngoenz. Hoeng, baenzlawz sij ndei bien cozvwnz neix ne? Ndawsim Daegcoengh mbouj miz daej.

Bae cam mehnax ba. Mehnax geij ngoenz neix youq ranz Daegcoengh youq, mehnax dang gvaq boux- boqyaem ndaw cangj gvaq, seizneix youq aen bause he dang gicej. Mehnax sij faenzcieng gig ndei, cam de itdingh rox.

Mehnax gangjriu naeuz: “Daeg- coengh ha, mwngz caen rox leihyungh lauzdungliz ha.” Ciepdwk, de nyinh- caen yawj le yawj fuk doz neix, doiq Daegcoengh gangj:“Mwngz yaek sij yawj doz sij cozvwnz, daih’it aeu sijsaeq cazyawj mbawdoz. Yawj doz dwg gihcuj, cijmiz gauj cingcuj eiqsei mbawdoz le cijndaej sij cozvwnz. Ciengzgingj fuk doz neix youq ndawsingz hung gig noix raen, hoeng youq yienhsingz caeuq yanghcin aiq ndaej raen lai di. Mwngz daj ndaw doz yawj daengz gijmaz ha?”

Daegcoengh naeuz:“Gou yawj daengz dahniq he youq gwnz hwzbanj geiq dienheiq cingzgvang dang- ngoenz.”

“Dan gijneix?”

“Lij miz, baihlaeng dahniq miz aen siengbwzyez he.”

“Aeu sijsaeq yawj, mbouj dan aeu yawj daengz neiyungz cujyau, lij aeu yawj cingcuj beigingj ndaw doz. Yawj cingcuj seiz lawz, dieg lawz, gijmaz vunz cingq guh gijmaz saeh.”

(1)