12 nyied 1 hauh gyanghaet, Gvangjsih Sam Nyied Sam Cazcise soengq《Sam nyied sam》cazci hawj gyoengq hagseng Gvangjsih Swhfan Yozyen ban Cuengh Gun song vah.

Youq gwnz soengq saw yizsi, secangj Veiz Vahyungz daiqbiuj cazcise soengq saw hawj gyoengq hagseng, caemhcaiq gujli gyoengq hagseng roengzrengz hagsib，daengzcog guh boux Cuengh Gun song vah sonhag ndaw saehnieb neix boux lauxsae maenh’ak ndeu. Gvangjsih Swhfan Yozyen Cuhdaengj Gyauyuz Yozyen dangjveij fusuhgi Lingz Sihyinz daiqbiuj aen yozyen neix ciepsouh cazci, caiqlij docih Sam Nyied Sam Cazcise.

Mbat hozdung soengq saw neix, Sam Nyied Sam Cazcise gungh soengq bae 《Sam Nyied Sam 》Cazci (banj Bawcuengh caeuq banj Sawgun) gaenh cien bonj.

(Veiz Yinyiz/韦运益 Cwngh Gingcunh/曾庆春)