Lauxsae doeklaeng lij dwg nyinhnaeuz, gij siengjfap Yenz Beibei gig ndei, siengjsiengliz gig fungfouq, hix naengz fanjyingj swhsiengj gamjcingz de, baez lienhguh cozvwnz neix cinj miz cozvwnz yienghneix. Mboujgvaq, daihgya ceiq ndei sij gij saeh gij gamjcingz “gou” caeuq boux vunz saedsaed caihcaih he.

Dingq dangz goq neix, Daeg- coengh ndaejdaengz mbouj noix daezdiemj, daejgauj cozvwnz de gaenq daj ndei lo. De yaek sij gij saeh de caeuq daxmeh. Daegcoengh geiq ndaej mwh de hwnj youwzyenz, mbouj daiq dingq vah, gwn doxgaiq biengwn, mbouj gyaez gwn byaekheu, caemh- caiq mwh gwn doxgaiq mbouj swiq fwngz; seizhah mbouj ninzngaiz, buet daengz baihrog bae gaeb biengzbeih; daxheiz youwzyenz heuh Daegcoengh caeuq gij lwgnyez wnq doxlwnz dang banhcangj, Daegcoengh ndaejdaengz daezdiemj, ma ranz le caeuq daxmeh daezok doxlwnz dang gyahcangj, mboujne vunzhung cungj guenj lwgnyez. Daxmeh Daegcoengh angq raixcaix. Daj mwhhaenx hwnj, moix baez gwn haeux, Daegcoengh hix gwn byaekheu lo, daxmeh gyajcang mbouj gwn byaekheu, Daegcoengh couh naeuz daxmeh. Banngaiz, daxmeh gwn ngaiz le mbouj ninzngaiz, Daeg- coengh sien hwnj mbonq ninz roengz, yienzhaeuh heuh daxmeh hix ninz, lij naeuz mbouj ninz couh maj mbouj sang. Gwn doxgaiq gaxgonq, Daeg- coengh lij bang daxmeh swiq fwngz. Daxmeh naeuz, Daegcoengh daj dang “gyahcangj” le, bienqbaenz lingh boux vunz he lo.(sat)