●Mboengqneix, aen hoih son’gyauq doxgyau cauxsij Fwencuengh Vujmingz Gih youq Cwngzgih Duzsuhgvanj banh, gyoengq canghfwen hezvei gak cin、 bouxgyaez fwen gungh 50 lai boux camgya. Gwnz hoih- doxgyau, gyoengq canghfwen gonqlaeng biujyienj bouxdog eu fwen caeuq doiq fwen daengj, sing fwen goksadsad, ndaej- daengz bouxyawj bekfwngz haenhndei, nauhyied dangqmaz.

(Cwngh Hanzyinh)

●Mboengqneix, bi 2016 aen banbeizyin banggungz gyah- cwng fuzvu youz Lozcwngz Mulaujcuz Swciyen Mehmbwk Lenzhozvei、 Yen Fuzbinzban lienzhab banh haenx cingqsik haiban, haenqrengz daezsang gij dinfwngz guhhong、 gya’gvangq roenloh couhnieb mehmbwk gungzhoj Mbanjmulauj, 70 lai boux mehmbwk gungzhoj daj daengx yienh 11 aen yanghcin daeuj haenx camgya gyahcwng fuzvu beizyin guh 20 ngoenz mbouj aeu cienz haenx.

(Mungz Cwnghswh)

●Mboengqneix, “Hozciz Si citheiq deihfueng minzcuz haeuj hagdangz” swnjcienz hagsib comzyienj hozdung youz Hozciz Si Minzveij cawjbanh haenx youq Hozciz Si Cizyez Gyauyuz Cung- sim Hagdangz banh. Doenggvaq citheiq deihfueng minzcuz comzyienj swnjcienz hagsib gyauyuz hozdung, hawj gyoengq lauxsae hagseng Cuengh、 Gun、 Yauz daengj minzcuz roxnyinh daengz gij yinxdaeuz vwnzva citheiq ndawbiengz minzcuz.

(Mungz Youjyi)

●Bineix daeuj, Denzlinz Yen giengzvaq banhfap gyalai hong faplwd bangcoh gyoengq mehmbwk, faplwd bangcoh cungsim vih gyoengq mehmbwk daengx yienh daegbied dwg mehmbwk ranzgungzhoj gung- hawj faplwd bangcoh, cungfaen baujhoh gij gienzleih habfap mehmbwk. Daengz ndwen 11, daengx yienh gungh ciepsouh mehmbwk camcaz 2000 lai boux, banhleix nangqdaengz anqgienh henhoh gienzleih mehmbwk 131 gienh, vih 202 boux mehmbwk sou dauq ngaenzcienz sonjsaet 376 fanh maenz.

(Banh Sauginh)