Gaenh bi neix daeuj, Guengjsae doenggvaq dangzgoq sonhag、 saed- guh hozdung、 gungganq lauxsae caeuq haiguh hagdangz minzcuz gyauyuz hozdung daengj seiq aen banhfap doidoengh hong minzcuz doxgiet gyauyuz cungh siuj hagdangz.

It dwg fatok dangzgoq sonhag cozyung. Guengjsae yaenqfat 《Gij Dunghcih Mizgven Caenh’itbouh Guh Ndei Hong Minzcuz Doxgiet Gyauyuz Cungh Siuj Hagdangz Daengx Gih》, iugouz cungh siuj hagdangz aeu baujcwng seizgan anbaiz dangzgoq minzcuz doxgiet gyauyuz, duenh yivu gyauyuz hagdangz sonhag seizgan moix hagnienz aeu baujcwng 10-12 dangz, bujdungh gauhcungh sonhag seizgan moix hagnienz baujcwng 8-10 dangz, cunghdwngj cizyez hagdangz sonhag seizgan moix hagnienz baujcwng 12-15 dangz. Giethab gak yozgoh sonhag neiyungz caeuq daeg- diemj, cab haeuj minzcuz doxgiet gyauyuz neiyungz, mboujdan dab- daengz gij moegbiu yozgoh sonhag, youh ndaej hawj gyoengq hagseng roxyiuj gij cihsiz minzcuz vwnzva, gungganq gij swhsiengj yisiz minzcuz doxgiet cinbu hagseng.

Ngeih dwg guh minzcuz doxgiet gyauyuz saedguh hozdung lai cungj lai yiengh. Gak dieg、 gak hagdangz cungfaen leihyungh gij minzcuz vwnzva swhyenz fungfouq Guengjsae, gaenxmaenx cujciz haiguh gij minzcuz vwnzva maenhndei haeuj hagdangz hozdung, hawj fwen dangdieg、 diuq- foux ndawbiengz、 conzdungj dijyuz haeuj ndaw dangzgoq. Baengh banhoih、 donzdui hozdung, swng geiz yizsi、 ciendaez gyangjco、 ciengzbauq banjbauq daengj hozdung caidij, doenggvaq cujciz doiq fwen、biujyienj diuqfoux minzcuz、 minzcuz conzdungj dijyuz hozdung daengj hozdung fuengsik caezgya maij dingq gyaez yawj haenx, youq gak gaep gak loih hagdangz guh hozdung seiz hengzguh minzcuz doxgiet gyauyuz.

Sam dwg roengzrengz gaem ndei hong gungganq lauxsae minzcuz doxgiet gyauyuz. Cietsaed gaem ndei hong gungganq lauxsae minzcuz doxgiet gyauyuz cungh siuj hagdangz, aeu gij hong gungganq lauxsae minz- cuz doxgiet gyauyuz lied haeuj ndaw dajveh gungganq lauxsae cungh siuj hagdangz daengx gih caeuq baenz- dauq laebdaeb gungganq lauxsae bae, cungfaen baengh Guengjsae Minzcuz Daihhag laebbaenz Aen Dieg Gung- ganq Lauxsae Minzcuz Doxgiet Gyau- yuz Guengjsae, faen geiz faen buek bae guh gij hong gungganq gyoengq lauxsae guzgan minzcuz doxgiet gyauyuz cungh siuj hagdangz.

Seiq dwg doidoengh hagdangz minzcuz doxgiet gyauyuz hozdung gvangqlangh haiguh. Banh daengx gih cungh siuj hagdangz minzcuz doxgiet cihsiz vangjloz doxdax. Hagseng doeng- gvaq vangjloz hagsib caeuq lienh gij cihsiz minzcuz doxgiet, doiq hagdangz daezsang minzcuz doxgiet gyauyuz gig ndei. Banh daengx gih hagseng cungh siuj hagdangz doxdax cihsiz minzcuz doxgiet, rengzrwd coicaenh le minzcuz doxgiet gyauyuz gvangq- langh haiguh.

(Sung Vwnz/宋 文)