Gij ginggvaq Yenz Beibei dang “lauxsae” gig sengdoengh, daengx ban doengzhag dinghdingh dingq dwk. Doeklaeng, Yenz Beibei cam lauxsae: “Gou mbouj rox gij neiyungz gou gangj haenx guh mbouj guh ndaej dizcaiz baez cozvwnz neix?”

Lauxsae siengj dingq yigen daihgya. Mizmbangj doengzhag naeuz: “Yienghneix mbouj ndaej, baez cozvwnz neix yaek sij haenx dwg gij gamjcingz vunz caeuq vunz, de sij haenx dwg lwgvunzbaengz!” Miz- mbangj naeuz:“Guh ndaej, lwg- vunzbaengz hix dwg vunz, cijaeu bouxcawj aeu de dangguh vunz couh ndaej.”

Lauxsae youh cam:“Cawzle gij- neix, lij miz mbouj miz gijmaz vwndiz?”

Daegcoengh yaepyaep lwgda, ndwn hwnjdaeuj naeuz: “Lij miz, lauxsae gangj baez cozvwnz neix dwg yaek ‘biujyienh gij gamjcingz vunz caeuq vunz’, hoeng, Yenz Beibei gangj haenx cijmiz gij gamjcingz de doiq lwgvunzbaengz, mbouj miz gij gamjcingz lwgvunzbaengz doiq Yenz Beibei.”

Dangz Dahaij “bu” riu sing he: “Lwgvunzbaengz dwg baengz guh, miz gijmaz gamjcingz lo.”

Liuz Yenz fanjdoiq gij yigen Dangz Dahaij:“Gawqyienz aeu lwg- vunzbaengz dangguh vunz, de couh gojyij miz gamjcingz.”

Lauxsae doengzeiq gij yigen Liuz Yenz caeuq Daegcoengh. Mboujgvaq, de youh daezok aen vwndiz he: “Yienghneix, bien cozvwnz neix gaijdoengh di lawz cij hab gij iugouz baez cozvwnz neix ne?”

Lij Cing naeuz: “Gojyij bouj sij miz baez he daxmeh miz saeh okbae, gou boux dog gag youq ranz, mbouj siujsim aeu huz raemxgoenj doek roengz dieg vaih lo, raemxgoenj lae daengx dieg, gou gip dwk daej lo. Seizhaenx, roek lwg lwgvunzbaengz lumjbaenz nai gou naeuz: “Lauxsae iq, gaej gaenj, daxmeh mbouj youq ranz, dou daeuj buenx mwngz; aenhuz coux raemxgoenj vaih lo, mwngz liz de gyae di, caj daxmeh ma ranz le caiq sousib.’”

Lauxsae caeuq gyoengq doengz- hag cungj naeuz Lij Cing boujcung ndaej ndei.

（4）