11 nyied 14 hauh, gyoengq hagseng ban Cuengh Gun Gvangjsih Swhyen Cuhdwngj Gyauyuz Yozyen 2015 gaep siujyoz gyauyuz conhyez, youz Lij Yen、Bungz Ginj lauxsae daiqlingx, bae daengz Gvangjsih Swhfan Yozyen fusuz sizyen yozyau, guh gyauyuz gensiz hozdung aen singhgiz ndeu.

Youq gensiz seiz, aen hagdangz neix gawjhengz le gyauyuz gyauyoz gyangjco、lauxsae hwnj sifango caeuq siuhfangz sanqdeuz yienjlienh daengj hozdung. 18 hauh banhaet, gyoengq gensiz hagseng baijok song boux daiqbiuj hwnj dangzgoq veibau. Youq gwnzdangz, gensiz hagseng ndaej cungfaen dang ndei gij bouxgiek cujciz、dazyinx caeuq doxgap de, hawj gyoengq siujhagseng youq ndaw hozdung damqra caeuq roxyiuj cihsiz moq. Gij biujyienh gyoengq gensiz hagseng ndaej daengz gyoengq lauxsae aen gensiz hagdangz neix bingzgyaq gig ndei.

(Cau Yangzmeiz/赵杨梅 Vangz Yingjyiz/黄颖怡)