11 nyied 23 hauh, Liujcouh Si Yungzsuij Myauzcuz Swciyen Dalang Cin Dungzlij Cunh Mbanjdoenghlouz nauhyied dangqmaz, ngoenzhaenx dwg gyoengq nungzminz aen mbanj neix gag banh aen Yadunggouh lijyouz haifat fouzhanh gunghswh haenx cingqsik venjbaiz.

Yadunggouh Gujcinghsanh gingjgih menciz miz 450 moux, baenz bi cungj dwg rij saw bya heu gingjsaek gyaeundei, miz raemxdiuqdan goeprin、 raemxdiuqdan lungziq、raemxdiuqdan caetdahsien daengj 9 aen swyenz geizheih daegbied gingjgvanh, lijyouz swhyenz youh ndei youh lai, miz gij angq gij yawj gig yinx, dwg gizdieg seizhah ndojndit youqndwi yietnaiq ndei he.

Aen gunghswh neix dwg youz aen Mbanjdoenghlouz 120 hoh vunzmbanj gag comz ngaenz banh, moix hoh haeujguj it fanh maenz. Aen gunghswh neix laebbaenz, dwg cungj hingzsik moq cingcinj fuzbinz moq he, ndaej bang gyoengq vunzgungz haemq vaiq vut gungz.

(Veiz Swyouz/韦仕尤)