●Bineix doxdaeuj, Denh- ngoz Yen dawz gaijndei giek- daej sezsih mbanjgungzhoj siujsoq minzcuz guh fwngz- gaem, giengzvaq canjnieb daiqdoengh yinxlingx, laebdaeb doicaenh hanghmoeg hwnjguh, riengzlaeng gaem ndei dukcoi doeksaed hanghmoeg gaenq haihong haenx, daengx yienh 35 aen mbanjgungzhoj giekdaej sezsih hwnjguh mboujduenh cuksaed, swnghcanj saedceij suijbingz cugyamq gaijndei.

(Liuz Yaujginh)

●Mboengqneix, Gveilinz Si giyez simndei caeuq gwnz- biengz goeng’ik cujciz daengz Lungzswng Gak Cuz Swciyen Lungzciz Cin Ginhgyangh Cunh haiguh bangfuz gien- soengq hozdung, giensoengq 22 aen densigih yezcingh nem doxgaiq sou densi cezmuz hawj ranzgungzhoj, gyaqcienz dij 3 fanh lai maenz, bang ranz- gungzhoj gaijgez gij vwndiz mbouj miz densi yawj.

(Banh Cisiengz)

●Denzyangz Yen Yifung Cin Dangjveij Cwngfuj fat- doengh vunzlai leihyungh diegnamh dienheiq ndei dang- dieg, hawj vunzlai dajndaem hing, gyalai ndaw ranz ngaenz- cienz souhaeuj, seizneix daengx cin dajndaem hing mienhcik daengz 5000 lai moux, guh- baenz gveihmoz haemq hung. Bineix aen cin neix dajndaem hing ndaej fungsou, daj daengz seiz baenz sou doxdaeuj, ngoenzngoenz miz vunzlai daj ndaw reih sou hingndip bae gai.

(Vangz Gozsun)

●Gunghcwngz Yauzcuz Swciyen youq gaem hong cing- cinj banggungz seiz, gak mbanj gaenxmaenx yungh gij banhfap “hozcozse+gihdi+ranzgunghoj” bangcoh ranzgungzhoj vut gungz, seizneix miz vut gungz bouxguhnaz conhyez hozcozse 78 aen. Bineix doxdaeuj, gunghsangh cizgenhgiz haenq- rengz bang gak mbanj laeb- baenz vut gungz bouxguhnaz hozcozse, gaenq miz 300 lai hoh ranzgungzhoj gyahaeuj le gak cungj conhyez hozcozse.

(Couh Binjciuh)