Bi 2015 doxdaeuj, Duh’anh Yauzcuz Swciyen Dangjveij、 Cwngfuj yawjnaek, vunzlai camgya, yungh lai cungj banhfap coicaenh minzcuz vwnzva saehnieb hoenghvuengh hwng- fat.

It dwg gyagiengz vwnzva gungh- gung sezsih hwnjguh. Bi 2015 doxdaeuj, Yen Cwngfuj bued roengz 3000 lai fanh maenz, hwnjguh Mizlozdoz Vwnzva Gunghyenz, seiz- neix aen gunghyenz neix gaenq bienqbaenz dieg vwnzva gunghgung daengx yienh beksingq gak cuz ndaej yiengjsouh; bued roengz 1200 lai fanh maenz hwnjguh minzcuz vwnzva boz- vuzgvanj, ndaw gvanj souyo langhbaij vwnzvuz cien gienh doxhwnj caeuq mbangj feihvuzciz vwnzva yizcanj dijbauj, hawj gyoengqvunz yawjngonz、 swnjcienz、 hwngfat; daengx yienh 19 aen yanghcin cungj laeb miz vwnzvacan, 248 aen hingzcwngcunh cungj miz funghranz vwnzva.

Ngeih dwg haenqrengz gaem ndei doihyienjheiq hwnjguh. Seizneix, daengx yienh laeb miz doih- yienjheiq lajmbanj（ndawbiengz yisuz- donz） 85 aen、 laebbaenz fwen hezvei bouxguhnaz 15 aen, gungh miz bouxyienj daengz 3300 lai boux. Doenghgij doihyienjheiq neix ciengz- seiz ndaej iucingj okbae guh yienjok doxgyau vwnzva minzcuz, caemhcaiq ndaej rapdawz gij yinvu yienjok ndaw yienh banh gak cungj daihhingz angqhoh hozdung dem, ndaej daengz gaep baihgwnz mizgven bumwnz haengjdingh caeuq vunzlai haenhndei. Gaenh bi neix daeuj, doihyienjheiq Sanggyangh Cunh Disuh Cin ndaej Swcigih Vwnzvadingh bingz baenz “doihyienjheiq maenhndei”、 hawfwen Mbanjdouzlieng Hinghli Cunh ndaej aen cwngheuh “hawfwen Guengjsae” daengj.

Sam dwg gaenxmaenx haiguh minzcuz vwnzva hozdung. Gaenh bi neix daeuj, youq seizhoengq mbouj dajndaem, doenghgij doihyienjheiq (ndawbiengz yisuzdonz) neix cungj comz bouxyienj, gagnyienh daengz mbanjbya Mbanjyauz, yungh diuqfoux ndawbiengz、 fwen dangdieg doengsug ngaih rox daengj hingzsik vih vunzlai senhconz yienjciengq minzcuz cwng- cwz dangj, yienjciengq gij vunzndei saehndei henz ndang; binaengz “sam nyied sam Bouxcuengh”“cietcuzcu Yauzcuz” daengj ngoenzciet minzcuz hozdung, dawz doenghgij ciet neix guhdaeuz, doedok daegsaek minzcuz, banh gak cungj minzcuz guh’angq hozdung, hawj vwnzva minzcuz ndaej engq ndei swnjcienz caeuq hwngfat.

(Lanz Fuzgvanh/蓝福宽)