Danghnaeuz gou dwg duz non ndeu,

Gou hix wngdang yungh aen ndang bizbod gou raih bae baihrongh,

Gaiq dieg neix deng fwn rwed liux namh cumxcamx,

Diuz raemxrij iq neix diemzdaed caemhcaiq faj naj cungj nyaeuq neix,

Raq rumz raeujremq unqnemq neix,

Caeuq gyou ndit wngj ok ndaw mbaw faex daeuj,

Yienzhaeuh, gou daj ndaw reh okdaeuj,

Hai faj fwed ndei youq gwnz dieg ndei neix mbin bae mbin dauq.

Danghnaeuz gou dwg naed haeuxceh ndeu,

Gou hix wnggai yungh geu rag unq haenx cap haeuj ndaw namh,

Gaiq dieg biz neix deng ndit ndat dangq gvaq,

Heiqsik dwx dwk va rangfwtfwt nei,

Caek raemxraiz rup gij ceiq ndei mbaw faex neix,

Caeuq aen saek mbaw faex soengq hawj haenx,

Yienzhaeuh, gou dokngaz lo,

Yungh aen cungcig gou sijveh seiqvunz gou.