●Gaenh geij bi neix, Bingzgoj Yen Daibingz Cin cungfaen leihyungh guekgya “it saeh it yaeng” caizcwng ciengj- bouj ngaenzcienz youhvei cwng- cwz, mboujduenh laeb ndei dieg siujsoq minzcuz lajmbanj giek- daej sezsih hwnjguh, gaijndei lajmbanj giekdaej sezsih vanz- ging, roengzrengz saedhengz dajndongj roenloh aenmbanj hwnjguh. Daengz seizneix, daengx cin 244 aen mbanj gaenq miz 178 aen mbanj doeng lohsuijniz.

(Vuz Anhginh)

●11 nyied 7 hauh, Yinh- cwngz Yen youq yenveij dangjyau banh bi 2016 aen banbeizyin ganbu bouxcoz bouxcungnienz maenhndei siuj- soq minzcuz. Baez beizyin neix guh 6 ngoenz, daengx yienh miz 86 boux camgya beizyin. Beizyin geizgan, yenveij aen yienh neix iucingj lauxsae、 gyausou Laiz- binh Si Dangjyau nem gij bumwnz lingjdauj caeuq laux- hangz miz saedguh gingniemh haenx daeuj hwnjdangz.

(Lanz Cunghcwngz)

●Mboengqneix, Ningz- mingz Yen gak gihgvanh dangj- cujciz faenfaen haiguh “caiciz dangjyenz haeuj segih、 vih vunzlai fugsaeh、 gunghawj segih” hozdung，haeuj segih sijsaeq dingq gij sing gyoengq vunzdangdieg, gaijgez hojnanz vunzlai, vaqgej ngaekngeu segih, gaenxmaenx camgya “sam bangfuz” nem “banggungz、 banghag、 bangcanz、 banglaux、 banghoj” daengj hozdung, camgya segih hwnjguh caeuq fugsaeh, doengzcaez doidoengh segih huzndei hwnjguh.

(Cwng Cunghswngh Vangz Fungcinh)

●Mboengqneix, Swcigih Minzveij、 Swcigih Caizcwng- dingh、 Yinzminz Ngaenzhangz Namzningz Cungsim Cihhangz lienzhab fat roengz 《Gij Dunghcih Gvendaengz Dingh “Cibsam Haj” Geizgan Daengx Gih Minzmou Minzbinj Giyez》, Denzdungh Yen miz 22 ranz minzmou giyez ndaej dingh baenz “cibsam haj” geizgan daengx gih minzcuz mouyi giyez. Ciuq guekgya mizgven cwngcwz, yaek ndaej yiengjsouh minzmou youhvei cwngcwz.

(Veiz Swnghfaz)