Gaenh bi neix daeuj, Namzningz Si Hinghbinh Gih Dangjveij、 Cwngfuj laebbaenz laebcaez minzcuz guhhong gihci, haiguh senhconz gvancez lozsiz minzcuz cwngcwz fapgvi, aeu vunz guh goek, cienzmienh doicaenh minzcuz gyauyuz veiswngh daengj saehnieb, mboujduenh gyagiengz giekdaej sezsih hwnjguh, yungh lai cungj banhfap coicaenh minzcuz ginghci caeuq gwnzbiengz youh ndei youh vaiq hwngfat.

Aeu vunz guh goek, haenqrengz gungganq siujsoq minzcuz ganbu. Hinghbinh Gih nyinhcaen gvancez lozsiz gij lohsienq、 fuengcim、 cwngcwz dangj cunghyangh mizgven gungganq genjleh siujsoq minzcuz ganbu haenx, laebbaenz le gizdieg vunzcaiz siujsoq minzcuz ganbu bwhlaeng. Vih siujsoq minzcuz caeuq gizdieg minzcuz ginghci gwnzbiengz hwngfat daezhawj cujciz baujcang gaenjmaenh rengzrwd.

Cienzmienh hwngfat gyauyuz、 veiswngh、 gohgi、 vwnzva daengj saehnieb. It dwg daj bineix hainduj saedhengz gyauyuz daveican guh 2 bi haenx. Bued roengz 10.6 ik maenz ngaenz guh moq diegsingz yivu gyauyuz hagdangz 20 aen. Guhsat baijbouh diuzcingj singzyangh yivu gyauyuz hagdangz, 182 aen yivu gyauyuz hagdangz cingjhab baenz 122 aen, baujlouz 100 boux hagseng doxhwnj diemjsonhag 44 aen、 100 boux hagseng doxroengz diemjsonhag 154 aen. Bued roengz 4.27 ik maenz ngaenz gveihva guh moq laeuzsonhag cunghhoz、 laeuz hagseng dozninz hagdangz yaeznyieg haenx, roengz- rengz hawj hawsingz caeuq lajmbanj、 hagdangz caeuq hagdangz banhhag diuzgienh daihdaej ndaej daengz bingzyaenx. Gveihva guh moq yanghcin cungsim youwzyenz、 cunh gaep youwzyenz 74 aen. Ngeih dwg mboujduenh laebcaez lajmbanj yihliuz refuengz baujgen vangjloz, laeb ndei sinhhingz lajmbanj hozcoz yihliuz guenjleix yinhhengz gihci, gizdieg minzcuz veiswngh cingzgvang dauq- cawq cungj gaijndei. Sam dwg haiguh gaem cingbinj、 dajcauh minzcuz daegsaek caeuq soengq heiq roengz- mbanj daengj fuengsik, hawj Banzguj、 heiqsaegoeng、buzyah vwnzva daengj ndawbiengz daegsaek vwnzva mbouj- duenh hwngfat guhhung.

Gyagiengz siujsoq minzcuz dieg- comzyouq giekdaej sezsih hwnjguh. Bi 2016, Hinghbinh Gih haenqrengz boiqhab saedhengz 5 diuz loh ngeih gaep gvaq yienh hwnjguh, gyavaiq doicaenh roendoxlienz yienh yangh、roensuijniz roenbwzyouz doeng mbanj、 dajndongj roenloh daengj giekdaej sezsih hanghmoeg hwnjguh, gungh raez daih’iek 1242.088 goengleix, gungh bued roengz 11.5 ik maenz ngaenz.

(Couh Lili/周丽丽)