Miz boux buzgeq he cingj boux canghdazyouzcaet he daengz ndaw ranz daz ciengz.

Boux canghdazyouzcaet byaij haeuj ranz, raen gvan buzgeq song da fangz, sawqmwh couh roxnyinh gyoengqde miz di hojlienz. Hoeng goenggeq simvuen sim’angq, ndigah canghdazyouzcaet guhhong geij ngoenz haenx, songde gig gangj ndaej daeuj, canghdazyouzcaet hix mbouj dwen gvaq goenggeq dafangz.

Ciengz daz sat le, canghdazyouzcaet dawz ok mbaw dan gyaqcienz daz youzcaet haenx, buzgeq raen beij gij gyaqcienz yienzlaiz gangj haenx noix le haujlai. De cam cangh- dazyouzcaet: “Baenzlawz noix baenz lai ha?”

Canghdazyouzcaet naeuz:“Gou caeuq goenggeq youq doxcaez gig angq, gij daidu de doiq ciuhvunz de, sawj gou roxnyinh gij cingzgvang gou lij mbouj suenq daiq yaez. Ndigah gemj bae dingz he, suenq dwg gou doiq de biujsi di docih he, aenvih de sawj gou mbouj caiq aeu gij hong gou yawj ndaej daiq sinhoj!”

Buzgeq raemxda doek lo. Aenvih boux canghdazyouzcaet daihfueng neix, de swhgeij cij miz gaiq fwngz he.

Yienznaeuz raeuz mbouj miz banhfap gaijbienq ciuhvunz raeuz, hoeng raeuz ndaej gaijbienq yinzswnghgvanh raeuz; yienznaeuz raeuz mbouj miz banhfap gaijbienq vanzging, hoeng raeuz ndaej gaijbienq simcingz raeuz; yienznaeuz raeuz mbouj miz banhfap diuzcingj vanz- ging daeuj cienzbouh hab- wngq gwndaenj raeuz, hoeng ndaej diuzcingj daidu daeuj hab’wngq sojmiz vanzging.

Bitgingq, gij gwndaenj mwngz mbouj dwg cienzbouh youz gij saeh fatseng haenx daeuj giet- dingh, cix dwg youz gij daidu mwngz mienh- doiq saehcingz haenx daeuj gietdingh.

(fouz mingz)