Ngoenzsinghgiz, gou caeuq daxmeh bae duzsuhgvanj yawjsaw.

Ndaw duzsuhgvanj miz song aen gyaqsaw. Gou cam daxheiz cingq guhhong haenx: “Daxheiz, mwngz ndei! Gou siengj rox gwnz song aen gyaqsaw neix gungh miz geijlai bonj saw, mwngz lwnh gou ndaej lwi?”

Daxheiz riu dwk naeuz: “Dahniq, daxheiz daeuj gaujgauj mwngz. Saw gwnz gyaqsaw baihswix dwg saw gwnz gyaqsaw baihgvaz 3 boix noix 16 bonj, song aen gyaqsaw gungh miz 200 bonj saw. Mwngz naengz suenq ok song aen gyaqsaw gak miz geijlai bonj saw lwi?”

Gou saenqsim cibcuk naeuz:“Gou naengz suenq ok!” Cij yaep ndeu, gou couh suenq ndaej okdaeuj lo.

Gou sien veh ok aen dozsienq ndeu:

公式

Gaengawq daxheiz gangj haenx, danghnaeuz gou youq gyaqsaw baihswix caiq cuengq hwnj 16 bonj saw, yienghneix saw gwnz gyaqsaw baihswix couh cingqngamj dwg saw gwnz gyaqsaw baihgvaz 3 boix, yienghneix, cungjsoq gij saw couh bienqbaenz 200+16=216 (bonj). Aeu 216 bonj saw bingzfaen baenz 4 faenh, ndawde faenh he couhdwg saw gwnz gyaqsaw baihgvaz. Ndigah, saw gwnz gyaqsaw baihgvaz dwg 216÷4=54 (bonj), saw gwnz gyaqsaw baihswix dwg 200-54=146 (bonj).

Daxheiz riu dwk haenh gou:“Mwngz caen coengmingz).”(Yangz Lu)