●Mboengqneix, Lungz- linz Gak Cuz Swciyen youq Dwzngoz Cin Dwzngoz Cunh Lungzdung Dacai banh Myauzcuz dajsiuq beizyin- banh, 60 lai boux bouxgyaez dajsiuq Myauzcuz daj Lungz- dung Dacai nem mbanj henzgyawj daeuj haenx camgya beizyin. Gyoengq yozyenz nyinhnaeuz beizyin gig miz yungh, ndaej ik lai, maq- muengh gvaqlaeng lailai banh. Caemhcaiq naeuz yaek dawz gij bonjsaeh hag ndaej haenx son hawj vunz henzgyawj, daiq- doengh caezgya cauhnieb baenz fouq.

(Dauz Dwzgvangh)

●Bineix daeuj, Vuj- mingz Gih haenqrengz doihengz “dangjgeiz daiqloh hawvangj Mbanjcuengh” densangh vunq- sik, damqra dajcauh gij densangh fugsaeh bingzdaiz、 densangh fugsaeh dijhi caeuq densangh banggungz canjnieb gig miz daegsaek Mbanjcuengh haenx. Saedhengz “vangj- doxlienz+” daegsaek canjnieb banggungz hanghmoeg, gyavaiq dajcauh “it cin it nieb”“it mbanj it yiengh”daegsaek canjnieb.

(Veiz Li’gyauh Veiz Vwnzyi)

●Gaenh bi neix daeuj, Hwngzyen gaenxmaenx senh- conz dajcauh “vamaedlaeh Hwngzyen” binjbaiz, aeu vangjdoxlienz doidoengh va- maedlaeh cazmaedlaeh canj- nieb saedyienh dohyenzva swnggaep hwngfat, haenq- rengz doicaenh gaijgwz cauhmoq, aeu “seiq aen daengzvih” bang doi vamaed- laeh binjbaiz hwnjguh, rengz- rwd doidoengh ginghci gwnz- biengz hwngfat.

(Cinz Souvanh)

●Bineix doxdaeuj, Gungh- cwngz Yauzcuz Swciyen Lenz- vah Cin gig yawjnaek dajndaem daegsaek doxgaiq reihnaz, seiz- neix gaenq dajndaem gvadiuq、 godaengngoenz daengj daegsaek doxgaiq 1000 lai moux. Doenghgij daegsaek doxgaiq reihnaz neix mboujdan ndaej hawj hekyouz yawjngonz, lij ndaej gunghawj hawciengz dem.

(Couh Binjciuh Cinz Linz)