●Bineix daeuj, Dwz- bauj Yen baengh ndaw yienh byadah swhyenz daegbied gyaeundei、gyaudoeng fueng- bienh caeuq yinzvwnz swh- yenz naekna daengj, haenq- rengz dajcauh byadah yawj- ngonz、 cangqheiq ciengx- ndang、 minzcuz fungcingz daejniemh daengj lijyouz canjbinj, yinx ndaej haujlai hekyouz daeuj yawjngonz youzcet. Sam aen geiqdoh gonq, daengx yienh dakdaih hekyouz 100.2 fanh vunz- baez, lijyouz gyonjgyoeb souhaeuj daengz 7.72 ik maenz ngaenz.

(Cinz Yinzbauj Nungz Cinvanh)

●Seizneix, Lungzswng Gak Cuz Swciyen makbak- hom daihbaj baenz lo, nungzhoh dangdieg ciengj- gaem seizndei mbaetsou mak bae gai. Aen yienh neix yungh gij vunqsik “hoz- cozse+gihdi+ranzgungzhoj+densangh”, gaenxmaenx laebguh cwngcwz、 ngaenz- cienz、 gisuz、 siugai daengj bangcoengh bingzdaiz, bang- coh ranzgungzhoj vut gungz baenz fouq.

(Veiz Gizyangz)

●Bineix doxdaeuj, Yungzsuij Myauzcuz Swciyen Dalang Cin Dangjveij、 Cwngfuj youq Mbanjdadwz、 Mbanjsanglij daengj mbanj- gungzhoj laebbaenz lwg- manhdingjmbwn hozcozse, caemhcaiq yungh gij hingz- sik “doengjit ganq golwg、 doengjit guenjleix、 doengjit soudauq” hwngfat daegsaek canjnieb, coicaenh boux- guhnaz laisou baenz fouq, gyavaiq yamqdin ranzgungz- hoj vut gungz.

(Lungz Linzci)

●Yungzanh Yen laeb- din dangdieg saedsaeh haiguh cingcinj banggungz, doenggvaq doigvangq gij vunqsik “haeuxnaz+youz- gveiz+byaekyouzcai”, gujli dajndaem youzgveiz、 byaek- youzcai daengj gomiuz baenz ngonzyawj haenx, hwngfat swnghdai lijyouz, moix moux ndaej demlai 1500 lai maenz, demlai bouxguhnaz souhaeuj.

(Cinz Ginghoz)