Vih swnjcienz caeuq fatyiengz conzdungj minzcuz vwnzva, henhoh gij gienzleih saujsu minzcuz hagsib、sawjyungh caeuq hwngfat saw vah minzcuz bonjfaenh, laebhwnj gij saedceij vahgangj lai cungj lai yiengh, Namzningz Si Minzcunghveij、Namz- ningz Si Minzyijveij caeuq Namzningz Sinhvwnzvangj、Cinghsiu Gih Minz- cunghgiz(Minzyijgiz) yaek youq 10 nyied 22 hauh(camhdingh) banh aen beizyinbanh “riengz gou hag Sawcuengh”, aen hozdung banh ngoenz ndeu neix.

Daj 8 nyied 23 hauh geiz daih’it beizyinbanh “riengz gou hag Sawcuengh” youq Vujmingz Gih haiban le, ndaej daengz gyoengq yozyenz Hwngzyen、Sanglinz、Lungzanh、Vuj- mingz Gih daengj haenhndei, vihneix Si Minzcunghveij caeuq Si Minzyijveij gietdingh yaek youq 10 nyied ndawnyieb youq Namzningz banh geiz daihngeih beizyinbanh.

Aen beizyinbanh hai ngoenz he, cienzbouh mbouj aeu cienz, faen baenz banhaet caeuq banringzgvaq song baez dangzgoq. Dangzgoq banhaet baugvat son gij cihsiz giekdaej Vahcuengh Sawcuengh、gangjgej Fwencuengh caeuq banringzgvaq son baenzlawz doxeu daengj. Gizdieg beizyin youq Namzningz Si Lohyinzgingj 28 hauh Namzningz Sinhvwnz Cungsim caengz daihngeih funghranz haihoih (banhaet 8:30-12:00)、Gvangjsih Vwnzvuzyen (Banringzgvaq 14:00-16:00). Bouxlawz siengj daeuj camgya ndaej dwk dienhvah hawj Si Minzyijveij bauq- mingz (dienhvah hauhmax: 5715080,18275774039), roxnaeuz youq Namz- ningz Sinhvwnzvangj roengz banjdenswj《Biujbauqmingz Beizyinbanh “Riengz Gou Hag Sawcuengh” (Geiz daih- ngeih)》, roxnaeuz lienzhaeh boux- banhsaeh aeu mbaw biuj neix, dienz ndei liux youq 10 nyied 19 hauh gaxgonq fat mbaw biuj neix daengz youzsieng Namzningz Si Minzyijveij nnsmyw@163.com, 30 boux yozyenz bauqmingz gonq haenx miz huq laex iq lingx. Ngoenz bauqmingz ceiqlaeng dwg 10 nyied 19 hauh, bauqmingz gezgoj yaek linghvaih dunghcih.

(Namzningz Si Minzyijveij hawjgauj)