●10 nyied 7、8 hauh banhaemh, Heiqcuengh daih- neix 《Daxmeh Ranghbya》 youq Namzningz Mingzsingh Heiqciengz yienj. Aen heiq neix aeu Mwz Gingzfangh souciengx、 son’gyauq lwg- nyez diegbya gungzhoj saet- hag haenx guh cawjsienq gojgaeq, gangjnaeuz aen goj- gaeq boux swzsan’gyah、 gyauyuzgyah bangrex bang- hoj、 souciengx lwgnyez dieg- bya daegbied gungzhoj he. Aen heiq neix youz Guengj- sae Higiyen Heiqcuengh- duenz、 Denzlinz Yen Feihyiz Baijyienj Cungsim caeuq Dwzbauj Yen Ngeihyienz Ndokmax Yisuz Cungsim lienzhab baizyienj.

(Lij Sienghbingz Lij Yaujyij)

●Gaenh geij bi neix daeuj, Lozcwngz Mulaujcuz Swciyen ciuq dieg bae guh, ciuq gij daegdiemj diegbya naz noix ndoi lai, gujli caeuq sonyinx vunzlai gungzhoj diegbya haenqrengz hwngfat makit、 makhwzdauz、 youz- caz、 makdauzmizhouz daengj daegsaek saekloeg canjnieb, caenh’itbouh gya’gvangq monzloh bouxguhnaz vut gungz baenz fouq, coicaenh “saekloeg laisou”.

(Se Sunhwngz)

●Gaenh bi neix daeuj, Yungzsuij Myauzcuz Swciyen haenqrengz doicaenh laj- mbanj gyaeundei hwnjguh, sonyinx bouxguhnaz dangdieg ndaem gij doenghgo mbouj- dan miz ginghci souhaeuj youh ndaej cang ndei aen- mbanj haenx, daiqdoengh lajmbanj lijyouz, demlai vunzmbanj ginghci souhaeuj, saedyienh gij siengjmuengh youq bakdou ranz couh miz souhaeuj.

(Lungz Linzci)

●Gyajgeiz guekgingq, Cenzcouh Yen fanh lai moux lwgmanh nding laebdaeb baenz sou lo, bouxguhnaz leihyungh seizcou dienheiq ndei neix, youq doenghnaz nyaengqfoedfoed mbaetsou lwgmanh, yienh’ok baenz fuk baenz fuk veh fungsou ndei- yawj.

(Vangz Swhcang Dangz Gvangjdungh)