●9 nyied 21 hauh, Nanz- danh Yen Bazhih Yangh Bazhih Cunghyoz iucingj aen yangh neix Mbanjyauzcai aennyenz boux- swnjcienz Liz Mouz、 Lanz Gveibauj song boux bouxroq- nyenz daeuj son 56 boux hagseng lienh roq aennyenz, aeu feih- vuzciz vwnzva yizcanj soengq haeuj ndaw hagdangz bae, hawj minzcuz vwnzva ndaej engq ndei youq ndaw hagdangz swnjcienz caeuq baujhoh.

（Moz Gijcauh）

●Seizneix, Lungzswng Gak Cuz Swciyen makbakhom baenz lai lo, vunzlai dangdieg gaemdawz seiz mbaetsou gai mak. Aen yienh neix yungh gij vunqsik “hoz- cozse+gihdi+ranzgungzhoj+densangh”， gaenxmaenx hwnjguh cwngcwz、 ngaenzcienz、 gisuz、 gaisiu daengj bangfuz bingzdaiz, bangcoh ranzgungzhoj vut gungz baenzfouq.

(Veiz Gizyangz)

●9 nyied 23 hauh, Yungz- suij Myauzcuz Swciyen Fangz- hojgiz、 Yungzsuij Cin lienzhab haiguh aenmbanj fatseng saeh- feizruemx gouqcoengh saedhoenx yienjlienh. Yivu siuhfangzdui youz 200 lai boux dangjyenz ganbu daj gungh’anh、 anhgenh、 yihliuz daengj daeuj haenx miz bouhloh haiguh ciengjgouq boux- sieng、 coisanq vunzlai、 ndaep feiz daengj gouqgip hozdung, dem’ak gij ancienz daezfuengz naengzlig dangjyenz ganbu ginz- cung caeuq gij wngqgip cawqceq naengzlig gouqgip bumwnz.

(Lungz Linzci)