Mboengqneix, Fungsanh Yen 《Sinhvwnz Vahcuengh》 lanzmoeg youq Fungsanh mizsienq densidaiz boqcuengq. Neix dwg aen yienh neix youq hailaeb 《Sinhvwnz Fungsanh》 《Yingzbingz Gvansim》 《It Singhgiz Yauvwnz》 doeklaeng youh hailaeb aen lanzmoeg miz deihfuengsingq he.

Fungsanh cungjgyaeujvunz 22 fanh boux, Bouxcuengh ca mbouj geijlai 14 fanh boux, Bouxcuengh gyaeujvunz daengz 64%, gak cuz vunzlai youq Fungsanh gvaq saedceij haenx aenvih ciengzgeiz caeuq Bouxcuengh cabyouq, gyoengq vunz daih’iek miz 70% doxhwnj rox gangj Vahcuengh. Haibanh 《Sinhvwnz Vahcuengh》 lanzmoeg, yungh gij vah vunzlai sugrox haenx daeuj gangj gojgaeq henz ndang, senhconz cwngcwz dangj, ndaej engq ndei hawj minzcuz cwngcwz dangj caeuq banggungz cwngcwz fuengcim seizneix ranzranz cungj rox, haeujlaeg simvunz.

Ciuq cam rox, Fungsanh 《Sinh- vwnz Vahcuengh》 lanzmoeg moix geiz boqcuengq 15 faencung, boqcuengq seizgan dwg singhgiz sam、 singhgiz haj 20:30 diemj, dauqboq seizgan dwg dangqngoenz 22:00 diemj nem ngoenzlaeng 8:30、 10:00 caeuq 13:00 diemj.

（Dwng Liengzminj）