Ngoenzneix hwnjdangz seiz, lauxsae heuh daihgya douzbiuq senj banh ganbu. Gyoengq doengzhag cungj gig angq, gou dingq le ndawsim miz di lau, siengj camgya youh lau swhgeij senj mbouj hwnj.

Lauxsae heuh gyoengq doengzhag swhgeij yaengx fwngz hwnj gyangjdaiz gangjvah, Cwng Sinh sien yaengx fwngz, cij raen de gig miz saenqsim byaij hwnj gwnz gyangjdaiz bae, de gingsenj banhcangj, de gangj ndaej daegbied ndei. Gou roxnyinh daengz gou hix guh ndaej, yienghneix, gou dwg boux daihngeih hwnj gyangjdaiz bae gangjvah.

Mwh hwnj gwnz gyangjdaiz, gou daegbied gaenjcieng, hix daegbied gikdoengh, gou couh sup gaemz heiq hung ndeu. Mwh gangjvah, caeklaiq miz lauxsae ndwn youq henz, gou cij miz mbei gangj sat, gou youq ndawsim daegbieg docih lauxsae, dang yawj- daengz gyoengq doengzhag vih gou yaengx fwngz, gou ndawsim gig angq, docih gyoengq doengzhag cihciz caeuq saenqnyaemh gou.

Doeklaeng gyoengq doengzhag cungj hwnj gyangjdaiz gangj vah sat lo, cigdaengz banringz, lauxsae senhbu gou dang fubanhcangj, gou ndawsim youh angq youh you. Angq dwg gou ndaej dang fubanhcangj lo, you dwg lau swhgeij guh mbouj ndei.

Cuengqhag ma daengz ranz, daxmeh doiq gou naeuz:“Dang fu- banhcangj, mboujdan yenzgwz iugouz swhgeij, ndeindei hagsib, doxgiet doengzhag, bang doengzhag, lij ndeindei boiqhab banhcangj, guh bangfwngz ndei lauxsae.” Gou dingq le, gag siengj, gou itdingh guh ndaej daengz: Youq ranz dingq vah daxboh daxmeh, youq hagdangz dang boux hagseng ndei ndeu!

(sam nienzgaep Fungz Yigiz)