●Bineix daeuj, Gunghcwngz Yauzcuz Swciyen dawz dangjyenz ganbu roengzcunz roxyiuj vunzlai aeu yungh haenx caeuq cingcinj bang- gungz ndeindei giethab hwnjdaeuj, iugouz moix aen singhgiz ganbu ndaw yienhyangh caeuq ranzlienzhaeh yaek raennaj baez he, caemhcaiq saeddieg roxyiuj ranzgungzhoj vut gungz hanghmoeg hwngfat cincanj. Ciuq cam rox, aen yienh neix 3000 lai boux ganbu ndaw yienhyangh gaenq riengz lozsiz vut gungz hanghmoeg 2000 lai aen.

(Couh Binjciuh Cinz Linz)

●Siengcouh Yen Dangjveij Cwngfuj yawjnaek hong dieg minzcuz vut gungz baenzfouq, gujli vunzlai hwngfat ndaem gosangh ciengx nonsei, doengzseiz, doigvangq gung- ganq nonsei iq, sukdinj seizgan ciengx nonsei, gyavaiq yamqdin vut gungz baenzfouq, bineix daengx yienh ndaem gosangh mienhcik daengz 25 fanh lai moux, daengz 9 nyied reh seizcou baenz gai lo, gyaqcienz moix goenggaen 40 maenz baedauq, beij byongh bi gonq daezsang moix goenggaen 8 daengz 10 maenz, hawj gyoengq bouxciengxnonsei ndaej laisou.

(Liu Bwnjvei)

●Mboengqneix, Dwzbauj Yen youq Cuzyungz Cin Nazlieng Cunh Mbanjnazleiz aen mbanj miz daegsaek Bouxcuengh haenx ingj 《Soujdeq》 denyingj dinj. Ciuq cam rox, bouh benq neix guh baenz le yaek camgya Guengjsae hengzguh seveicujyi hwzsinh gyacizgvanh denyingj dinj doxdax. Senj Mbanj- nazleiz guh gingqdaeuz denyingj muzdiz dwg yienh’ok ranzcanx Bouxcuengh nyuenz miz neix caeuq fungsug fungcingz Bouxcuengh aen yienh neix, cungfaen baijyienj le gij cingz gyaezguek lwg Mbanjcuengh youq nienzdaih gwzming hoenxciengq haenx.

(Nungz Yungjfang)

●Geij bi neix daeuj, Nazboh Yen baengh gij hwngfat seizndei “sangh doeng senj sae”, dawz nonsei canjnieb dangguh “fouq minz gungh- cwngz” daengx yienh gaemndaet gaem ndei, yungh gij banhfap “cwngfuj doidoengh、 giyez yien- doengh、 gohgi daiqdoengh、 nungz- hoh lienzdoengh”, haenqrengz hwng- fat nonsei swnghcanj. Doengzseiz, aen yienh neix lij dawz nonsei dangguh canjnieb bangrex cungdenj、 ciemq- gonq hwngfat canjnieb guh bangcoh.

(Luz Ciyungz Couh Cwngcinh)