Lai bi doxdaeuj, gih raeuz dangjveij、 cwngfuj yungh daegbied cwngcwz, genhciz lai cungj banhfap caez yungh, doidoengh minzcuz gyauyuz saehnieb gyavaiq hwngfat.

It dwg haenqrengz gaijndei gij diuzgienh banhhag gizdieg siujsoq minzcuz comzyouq, gak cungj ngaenzcienz gyauyuz guekgya caeuq Guengjsae anbaiz haenx cungj haeujcoengh gizdieg siujsoq minz- cuz comzyouq, bi 2011 doxdaeuj gungh fatcuengq daegbied gungzhoj hagseng maenhndei siujsoq minzcuz haeujhag cienhangh cienzbangbouj 900 fanh maenz.

Ngeih dwg haenqrengz youq cungh siujyoz banh gisuzci minz- cuzbanh, hagseng minzcuzbanh dozyouq hagdangz daengz 3 fanh lai boux.

Sam dwg haenqrengz youq daihhag banh minzcuz yigohbanh, daih cunghconh hagdangz banh minzcuz yigohbanh haenx binaengz souaeu hagseng siujsoq minzcuz beijlaeh mbouj daemqgvaq 40%, minzcuz hagdangz youq 70% dox- hwnj.

Seiq dwg haenqrengz yamqonj doicaenh hong Sawcuengh haeuj hagdangz, daj bi 1981 hwnj, Swcigih Caizcwng binaengz danlied ngaenzcienz cienhangh yungh guh haiguh Cuengh Gun song vah saw sonhag.

Haj dwg haenqrengz gyagiengz laebguh doih lauxsae siujsoq minzcuz, gonqlaeng hengzguh le “lajmbanj yivu gyauyuz gaihdon hagdangz lauxsae daeglaeb gangjvei giva” “cungh siujyoz lauxsae suciz daezswng gunghcwngz” “Guengjsae 21 sigij gunghcwngz bouxganqva” “Bet Gvei gyangjco” daengj hoz- dung, hawj doih lauxsae siujsoq minzcuz cingjdaej suciz ndaej daezsang yienhda. Guengjsae daez- gonq bi ndeu caemhcaiq daiq- daeuz youq daengx guek gizdieg siujsoq minzcuz gagguenj saedyienh yivu gyauyuz “song aen gihbwnj” gunghoj moegbiu, youq daengx guek daiqdaeuz hengzguh sam bi cizyez gyauyuz gunghoj giva ndaej hingz guhsat, vih siujsoq minzcuz caeuq gizdieg minzcuz ginghci sevei hwngfat daezhawj caizganq haeuj- coengh hung’ak.

(Siz Yi Vangz Gangh)