Nuengx:

Gij ginhbaiz cibseiq,

Cam beix bouxlawz ndaej?

Dwg danhangh aen lawz?

Beix gangj hawj gou dingq.

Beix:

Sam mij benj diuqraemx,

Caemh dwg Sih Dingzmau,

Faensoq de lai gau,

Ginhbaiz gyau daengz fwngz.

Nuengx:

Daihcibhaj ginhbaiz,

Beix cai bouxlawz ndaej?

Dwg danhangh aen lawz?

Beix gangj gou roxndeq.

Beix:

75 goenggaen,

Gingznaek caen ndaej hingz,

Dahsau Mung Suhbingz,

Ginhbaiz ndaej daengz fwngz.

Nuengx:

Gij cibroek ginhbaiz,

Beix cai bouxlawz ndaej?

Dwg danhangh aen lawz?

Beix gangj hawj gou dingq.

Beix:

Sam mij benj diuqraemx,

Caemh dwg hangh bouxsai,

Cauz Yenz faensoq lai,

Ginhbaiz ndaej daengz fwngz.

Nuengx:

Gij ginhbaiz cibcaet,

Daengz haetneix cingq ndaej,

Wnggai dwg bouxlawz,

Ndaej ginhbaiz daengz fwngz?

Beix:

Gangj daengz binghbanghgiuz,

Couhdwg raeuz ak lai,

Nijdonz baez canhsai,

Ginhbaiz ndaej daengz fwngz.

Nuengx:

Gij cibbet ginhbaiz,

Beix cai bouxlawz ndaej?

Dwg danhangh aen lawz?

Beix gangj hawj gou dingq.

Beix:

Nanzdonz binghbanghgiuz,

Couhdwg raeuz ak lai,

Dwk Yizbwnj roengzdaiz,

Ginhbaiz dwg raeuz dawz.

Nuengx:

Gij cibgouj ginhbaiz,

Beix cai bouxlawz ndaej?

Dwg danhangh aen lawz?

Beix gangj hawj gou dingq.

Beix:

58 goenggaen,

Raen Cau Sai bouxmbauq,

Bouxsai daizgenzdau,

De lauh ndaej ginhbaiz.