Sai:

Guh cinghgez lajmbanj,

Doxganj daeuj hwnj daiz.

Gyauyuz gyoengq vunzlai,

Wnggai doengz guh hwnj.

Mbwk:

Cwngfuj miz gujli,

Gizgiz gauj veiswngh.

Caezgya cungj iet fwngz,

Gou guh mwngz caemh guh.

Sai:

Cwngfuj de caemh naeuz,

Mbanjmbanj aeu hengzdoengh.

Nyapnyaj comz baenzboengj,

Nengznyaen hoenghdwddwd.

Mbwk:

Lingjdauj youh cizgiz,

Cwngfuj hix cihciz.

Nyapnyaj di mbouj miz,

Raeuz cien bi gengangh.

Sai:

Veiswngh guh ndaej daengz,

Vunz daengz mbanj couh haenh.

Mbanj neix vunz caen gaenx,

Caenh rengz gauj veiswngh.

Mbwk:

Guh cinghgez veiswngh,

Swnghhoz raeuz engq ndei.

Lajmbanj raeuz hoengheiq,

Diemheiq gyaeu 10 bi.

Sai:

Gauj cinghgez lajmbanj,

Ranzranz cungj cihciz.

Doxceng beuj lahgiz,

Saek di mbouj yiemz baeg.

Mbwk:

Danghnaeuz gizlawz nyag,

Raeuz gag youq mbouj an.

Ndaw mbanj daengz ndaw ranz,

Raeuz doengz ganq aeu seuq.