9 nyied 10 hauh(liggaeuq ndwenbet cocib), gyoengq beixnuengx Yauzcuz Nazboh Yen Bwzswngj Yangh Yavaz Cunh Mbanjgveihlung, ndang daenj buhvaq minzcuz moqsag gyaeuget, riengz gij sing gyonglaz haprwenz haenx ciengqgo diuqfoux, angqhoh aen “ciet hoh fungsou”.

“Ciet hoh fungsou” dwg aen ciet hung minzcuz conzdungj Lanzdenyauz he, lizsij de gyaenanz, beixnuengx Yauzcuz Mbanj- gveilung youq binaengz liggaeuq ndwenbet cocib banh aen ciet neix, iucingj bouxhek gak dieg daeuj camgya hozdung. Angqhoh hozdung hingzsik lai yiengh, neiyungz fungfouq, miz conzdungj couxhek yizsi Lanzdenyauz、 caeqbaiq yizsi angqhoh fungsou、 biujyienj diuqfoux minzcuz daengj, cezmuz ndeiyawj raeuh, ndaej daengz bouxyawj bekfwngz caeuq hemq- ndei. Doeklaeng lij gwn ngaizdaizraez dem, hawj gyoengq bouxhek caeuq beixnuengx Yauzcuz caemhdaiz gwn ngaiz, gyalai gyoengq beixnuengx Yauzcuz caeuq beixnuengx minzcuz wnq doxgyau doxgiet. Daengx aen hozdung cungfaen baijyienj le gij minzsuz fungcingz Lanzdenyauz daeg- bied gagmiz, yienh’ok le vwnzva maenh- ndei Yauzcuz caeuq gij cingsaenz beix- nuengx Yauzcuz gaenx guh maenh’ak.

(Linz Yungzsenh/林荣先)