Gou rox gangj Vahcuengh, couh aeu aen diuh bonjdieg daeuj hag Sawcuengh, 8 haemh gou couh hag rox doeg gij singmeh caeuq yinhmeh lo, gou lij hag rox eu《Fwen Gingqlaeuj》、《Fwen Ciephek》 caeuq 《Fwen Soengqhek》 dem.

Haemhneix dwg haemh daihgouj, Vangz lauxsae yinx gou hag doeg 《Sawcuengh》bien faenzcieng neix le, gou couh hag lienh sij bien cozvwnz neix lo. Gij loqsiengj aeu Sawcuengh daeuj sij faenzcieng gou couh yaek ndaej saedyienh lo, ndawsim gou gig angq.

Gyo’mbaiq Swcigih Minzyijveij lingjdauj daeuj cawjbanh, Duh’anh Yauzcuz Swciyen Minz- yijveij lingjdauj ciep banh aen “Song Hag It Guh” ban nungzminz canghfwen lienh guh Fwencuengh. Banh aen ban neix dwg vih haenqrengz senhconz minzcuz vah saw cwngcwz, gyahung gij yingjyangj minzcuz vah saw, doengzseiz vih Sanhdaujvanh Lijyouzgih vwnzyi hozdung gyahaeuj gij yenzsu minzcuz.

Gou yaek haeujsim bae hag Sawcuengh, swnjcienz gij vwnzva Bouxcuengh raeuz.