●Yungzanh Yen youq seiz ginghci hwngfat gig yawjnaek baujhoh vanzging, cungfaen leihyungh gijndei swhyenz raemx fungfouq dangdieg, cungdenj hwngfat saekloeg nwngzyenz caeuq swnghdai gunghyez、 byaij ok diuz roen swnghdai hab diegbya hwngfat he. Ciuq doengjgeiq, aen yienh neix seizneix miz 13 aen gak loih suijdencan, cungjcanghgih yungzlieng 8.65 cienvax, bi canjciz 4 ik maenz baedauq.

(Danz Gaijhingh Cinz Ginghoz)

●Mboengqneix, Ginhsiu Yauzcuz Swciyen Cangzdung Yangh Vwnzvacan banh vwnzyi guzgan beizyinbanh, iucingj lauxsae vwnzva’gvanj aen yienh neix doiq gyoengq yozyenz guh lijlun sonyinx nem yienhciengz sonhag, 35 boux vwnzyi guz- gan camgya le beizyinbanh, caenh’itbouh daezsang gij lij- lun suyangj caeuq giyi vwnzyi guzgan, vih aen yienh neix vwnzva saehnieb hwngfat dwk- roengz giekdaej maenhndei.

(Coz Suh)

●Geij bi neix daeuj, Sanhgyangh Dungcuz Swciyen Danhcouh Cin doenggvaq diegnamh riuzcienj, yungh gij vunqsik “ranzgungzhoj haeuj- guj+lijswvei guenjleix+cwngfuj sonyinx”, youq henz lohgozdau 209 haenqrengz hwngfat mak- byaek、 dinfaex、 va、 youqndwi lijyouz daengj “it mbanj it yiengh” daegsaek canjnieb, haenqrengz daezsang gij yauqik leihyungh diegnamh, hawj bouxguhnaz dangdieg youq gyawj couhnieb cauxnieb, racienz goq ranz cungj mbouj nguh.

(Gungh Bujgangh)

●Geij bi neix daeuj, Yungzsuij Myauzcuz Swciyen dawz vwnzva minzcuz buen daengz gwnz daizheiq lajmbanj yienj, hawj vunzlai gag guh bouxyienj baijyienj fungcingz vwnzva daegbied Myauzcuz, yinx ndaej haujlai bouxhek daeuj yawjngonz. Ciuq doengj- geiq, bi 2016 buenq bi gonq, aen yienh neix gaenq ciepdaih bouxhek 252.25 fanh vunzbaez, lijyouz cungjsouhaeuj 17.27 ik maenz.

(Cangh Ailinz)