Geij bi neix daeuj, Yinhcwngz Yen ndaetndi hopheux “lijyouz hwng yienh” canloz, haenqrengz saedyienh “lijyouz banggungz” gunghcwngz, baengh hakdoj Bouxcuengh daegsaek vwnzva binjbaiz, haenqrengz hwngfat nungzyez lijyouz daegsaek daihneix, nangqdaengz daiqdoengh vunzlai henzgyawj camgya lijyouz ginghyingz, gyalai bouxguhnaz souhaeuj, coicaenh lijyouz caeuq banggungz、 canjnieb yungzhab hwngfat. Ciuq doengjgeiq 1 daengz 7 nyied, daengx yienh ciepdaih bouxhek 180.6 fanh vunzbaez, lijyouz cungjsouhaeuj 9.2 ik maenz.

It dwg baengh dieggingj lijyouz gyalai bouxguhnaz souhaeuj. Hawj bouxguhnaz henzgyawj dieggingj hag rox ginghyingz、 ra ndaej hong guh, saedyienh “soengqlwedsik” banggungz yiengq “cauxlwedsik” lijyouz bang- gungz gvaqdoh, dwg cungj banhfap hengzguh “lijyouz banggungz” aen yienh neix he.

Ngeih dwg yungh ndei aen bingzdaiz densangh gya’gvangq roen- loh baenzfouq. Bineix doxdaeuj, aen yienh neix aeu lijyouz daegsaek caeuq denswj sanghvu dox giethab, hwnjlaeb bingzdaiz cienzdaejvaq, yungh den- sangh coicaenh lijyouz, yungh lijyouz daiqdoengh densangh, byaij ok le diuz roenloh moq baenzfouq he. Seizneix, aen yienh neix Gujbwngz Cin gaenq doenggvaq “Guengjsae Densidaiz Gyaeundei Lajmbwn Cawx” veihsin densangh bingzdaiz siugai mienhdoj、 dangzndingdoj、 gyaeq- bitdoj 2800 goenggaen, hawj boux- guhnaz souhaeuj daih’iek 8 fanh maenz, Majsw Yangh Lamzmoiz Swnghdai Nungzcangh hix doenggvaq densangh bingzdaiz gai ok makbak- hom、 mbawcaz、 maenzcienz aeuj daengj doxgaiq reihnaz saekloeg swnghdai 3385 goenggaen, souhaeuj 66168 maenz.

Sam dwg baengh hakdoj Boux- cuengh daegsaek vwnzva dwk ndei lijyouz binjbaiz. Cungfaen leihyungh hakdoj vwnzva、 Bouxcuengh minzcuz vwnzva、 nywjyinhyihcauj vwnzva, dwg diemjcaphaeuj Yinhcwngz Yen haiguh lijyouz banggungz he.

Aen yienh neix giethab minzsuz vwnzva swhyenz bonjdieg, haiguh minzsuz vwnzva hozdung lai cungj lai yiengh, bangcoh hwnjguh lijyouz binjbaiz, dawz Yinhcwngz lijyouzyez doicoh gizdieg engqgya gvangqlangh bae, coicaenh daengx yienh caenhvaiq saedyienh “lijyouz vut gungz”.

(Lanz Cunghcwngz/蓝忠成)