Rong faiz cw hoh faex,

Yahmaex hu ae gvan,

Aen riep lumj aen ranz,

Boux gvan doengz boux guen.

Suenj ndaej yahmaex yienz,

Couh lumj cien caizbauj,

Ciuqgoq ranz bouxlaux,

Haethaemh dauj raemx din.

Dang mozfan bouxsai,

Hong lai bae guh gonq,

Buh vaq uq dawz fonh,

Dauq ranz guh donq byaek.

Suenj ndaej yahmaex gvai,

Gaiq cienzcaiz cij daeuj,

Haemh boux gvan sai laeuj,

Yahmaex daeuj dem boi.