Si Yijveij lingjdauj,

Mbatneix gauj ndaej hingz;

Cingj lauxsae mizmingz,

Vujmingz son Sawcuengh.

Docih lauxsae raeuz,

Daj gyae daeuj daengz neix;

Son saw youh son leix,

Raeuz ndaej gvai haujlai.

Lauxsae dungxcaiz lai,

Caemhcaiq miz naihsim;

Lumj dawz goengq byagim,

Caenhsim faen hawj raeuz.

Geij ngoenz neix hagsib,

Raeuz cibfaen nyinhcaen;

Doeg sij ciengq cungj gaenx,

Cingqcaen maij Sawcuengh.

Doxconz youq itheij,

Roengzsim maeq Sawcuengh;

Youh gaenx cam beixnuengx,

Maqmuengh baenz canghfwen.

Raeuz gak boux doengzhag,

Swnjcienz vwnzva raeuz;

Mboujdan bak aeu naeuz,

Hix wng daeuj hengzdoengh.