Cuengqgyaj le, miz ngoenz ndeu, gou bae aen bouq ranz gou hai haenx bang daxmeh gai huq.

Dou ngamq hai dou, couh miz boux boh’au he daeuj cawx dox- gaiq. De cam:“Sou gizneix miz mbouj miz fwngzdienhcuenq、loz- swhdauh caeuq hongdawz cujhab?”

“Miz ha, geij yiengh neix mwngz cungj cawx lwi?” Gou yiedcingz dwk cam.

“W, cungj cawx! Fag lozswh- dauh he, aen fwngzdienhcuenq he、dauq hongdawz cujhab he, itgungh geijlai cienz?” Boh’au cam.

“Lojswhdauh 5 maenz, fwngz- dienhcuenq 250 maenz, hongdawz cujhab 130 maenz, itgungh 385 maenz.”

“Siujbaengzyoux, gou cawx baenzlai doxgaiq, ndaej mbouj ndaej noix di cienz ha?”

“Ndei ba, dou ngamq haidou, couh noix di cienz hawj mwngz ba.” Gou riu dwk naeuz.

Gou cam daxmeh le, doiq boh’au naeuz:“Fwngzdienhcuenq noix 20 maenz, hongdawz cujhab noix 10 maenz, itgungh noix sou mwngz 20+10=30 (maenz).”

“Ndei ba, bang gou cang doxgaiq hwnjdaeuj ba!” Boh’au mbon cienz okdaeuj seiz, soujgih de yiengj lo, de dawz 400 maenz okdaeuj ndenq hawj gou, riujdawz doxgaiq couh ok bakdou bae ciep dienhvah lo.

Sam cungj doxgaiq yenzgyaq dwg 385 maenz, vanzgyaq le dwg 385-30=355 (maenz), wnggai cauj cienz hawj boh’au dwg 400-355=45 (maenz). Gou suenq okdaeuj le, yaek cauj cienz hawj boh’au seiz, boh’au mbouj raen lo. Gou ganj- vaiq gyaep okbae, buet geijcib mij le cij gyaep hwnj boh’au: “Boh- au, neix dwg gij cienz cauj hawj mwngz, mwngz gaem ndei nw.”

“Gou cij goq ciep dienhvah, cungj lumz gienh saeh neix lo!” Boh’au gig docih dwk naeuz, “Docih mwngz, siujbaengzyoux! Sou baenzneix lauxsaed soujsaenq, baezlaeng gou yaek cawx gijmaz couh daeuj aenbouq mwngz cawx, gou vanzlij gaisau bouxwnq daeuj cawx dem.”

Doenggvaq gienh saeh neix, gou roxdaengz le lauxsaed souj- saenq dwg gig youqgaenj.

(seiq nienzgaep Lij Hausiengz)