Boux vunz laebceiq ok ndaw bya,

Hwnj sang ngonz haij hai da gou.

Raemx mbwn doengz saek roeghaijouh,

Ranzmbanj gizlawz yawj yienghneix.

Roeg’enq bibi namzbaek mbin,

Ngonz doh dah bya Cungguek raeuz.

Duzgaeq daihdaih youq suen daeuq,

Mboujcaengz raen ndaej biengh fwj ndeu.

Lwgmbauq sam gauj hwnj Bwzda,

Haenqguh guh hwnj Sinhdunghfangh.

Bouxcoz daraeh ceiqheiq sang,

Gaenx buek cauh ndei Dauzbauj Vangj.

Danghnaeuz mbouj byaij hwnj dingjbya,

Baenzlawz raen ndaej diendeih gvangq.

Seizneix gag naeuz hoj nanz gangj,

Daengzcog rox neix miz vanhaemz.