●Mboengqneix，vunzmbanj Luzcai Yen Daujgyangh Cin Daujgyangh Cunh Mbanjgvangj- vuz cingq nyaengq sou mak- sanhcah. Bineix maksanhcah daih’iek moix moux sou ndaej sam seiq cien goenggaen, moix moux souhaeuj fanh maenz doxhwnj. Aen yangh neix ndaem maksanhcah guh bangrex hanghmoeg, leihyungh byafwz ndaem gomaksanhcah 5000 moux, daiqdoengh le vunzmbanj 4 aen mbanj ndaem gomak- sanhcah.

(Lai Genveih)

●Bineix doxdaeuj, Lingz- yinz Yenveij、 Yen Cwngfuj ciuq gij moegbiu iugouz “saedbauj haeux gihbwnj gag gaeuq yungh、 haeuxgwn cieddoiq ancienz”, doiq dohlahgih、 haeuxnaz caz- yanghgih、haeuxnaz lenzhoz souhgozgih daengj nungzgih cienzmienh lozsiz boujdiep cwngcwz. Daengz seizneix, aen yienh neix gaenq miz 712 ranz nungzhoh bauq caemhcaiq miz 795 aen nungzgih ndaej cienz boujdiep, cienz boujdiep gungh 76.57 fanh maenz.

(Vangz Binh)

●Bineix daeuj, Nazboh Yen aeu guhndei canjnieb baijbouh guh cawjsienq, aeu hwngfat daegsaek dajndaem guh fwngzgaem, aeu gohgi gyalai yauqik guh cungdenj, aeu bouxguhnaz gyalai souhaeuj guh moegbiu, ciuq dieg bae guh, haenqrengz cauxlaeb “it yangh it yiengh” roxnaeuz “it mbanj it yiengh” canjnieb hwngfat gwzgiz guh guhndei dajndaem gezgou, haenqrengz hwngfat gizdieg daegsaek canjnieb, aeundaej cingzyauq gig ndei.

(Luz Ciyungz Couh Cwngcinh)

●Ginhsiu Yauzcuz Swciyen aen yanghcin diegbya hwng ndaem batgak, bineix batgak ndei gai, batgak ndip moix goenggaen gyaqgai daengz 6.6 maenz, gyaqcienz batgak ndip beij bi- gvaq moix goenggaen hwnjgyaq 3 maenz baedauq, bingzyaenz ngoenz ndeu roengzdaeuj, doiq gvanbaz ndeu couh mbaet ndaej ca mbouj geijlai 100 goenggaen batgak ndip lo, souhaeuj daih’iek 600 maenz, souhaeuj ndei youh lai hawj ranz ndaem batgak sim vuenheij.

(Cinz Haijyen)