8 nyied 23 hauh banhaet, Namz- ningz Si bi 2016 geiz daih’it “riengz gou hag Sawcuengh” beizyinbanh youz Namzningz Si Minzcunghveij、 Namzningz Si Minzyijveij cawjbanh haenx youq Vujmingz haiban. 25 boux yozyenz daj Hwngzyen、 Sanglinz、 Lungzanh、Hinghningz、 Vujmingz daengj 8 aen yienhgih daeuj haenx camgya le haiban yizsi. Namzningz Si Minzveij fudiuyenzyenz Veiz Sangwz camgya haiban yizsi caiqlij gangjvah. Namzningz Si Minzyijveij、 Vujmingz Gih Minz- cunghgiz (Minzyijgiz) bouxfucwz caeuq nyuenz Cungguek Minzcuz Yijvwnz Fanhyizgiz Sawcuengh Fanhyizsiz ngeihgaep hoizsaemj、 gyausou Gvanh Swgingh caeuq Guengjsae Sawcuengh Hagdangz、 Guengjsae Minzcuz Cunghdwngj Conhyez Hagdangz nyuenz fuyaucangj、 gaugaep gyangj- swh Cinz Sinhyen camgya haiban yizsi.

Haiguh baez hagsib beizyin neix, mboujdan ndaej bang canghfwen ndawbiengz Bouxcuengh hagsib rox- yiuj vah saw minzcuz bonjfaenh, aeu Sawcuengh caeuq fwen Bouxcuengh ndeindei giethab hwnjdaeuj, yungh de daeuj vatcimh、 cingjleix、 geiqloeg fwen minzcuz bonjfaenh, aeu vwnzva Bouxcuengh fungfouq gyaenanz haenx laebdaeb swnjcienz roengzbae, caemhcaiq doiq hong doigvangq Sawcuengh, hoenghvuengh caeuq hwngfat vwnzva minzcuz、 doicaenh minzcuz doxgiet cinbu saehnieb hix miz cozyung hungloet.

Ciuq cam rox, yozyenz geiz beizyinbanh neix doiq fwen bonjdieg gagmiz daegsaek haenx miz itdingh roxyiuj caeuq yenzgiu, rox bien rox eu, Vahgun Sawgun giekdaej haemq ndei, miz sim hag. Ndaw gyoengqde miz Bouxcuengh, hix miz Bouxgun, boux ceiq geq 65 bi, boux ceiq oiq 12 bi. Beizyin guh 8 ngoenz, gocwngz baugvat Sawcuengh giekdaej cihsiz、gejdoeg fwen Bouxcuengh、 fwen cingzgingj ciuqei sonhag nem yienh- ciengz yawjngonz “ndwen hawfwen” Vujmingz it ndwen it haw haenx.

(Veiz Yinjsenz/韦尹璇)