●Ginhsiu Yauzcuz Swciyen Sanhgoz Yangh swnghdai vanzging daegbied habngamj ndaem faexcuk, ca mbouj geijlai laeng ranz naj ranz ranzranz hohhoh cungj ndaem miz faexcuk, aen yangh neix ndaem faexcuk mienhcik daengz 1.6 fanh moux, binaengz vunzlai dandan gai rangzhawq souhaeuj couh daengz 200 lai fanh maenz, hwngfat ndaem faexcuk mboujdan hawj vanzging gyaeundei, youh gyavaiq yamqdin vunzlai vut gungz baenzfouq.

(Cinz Haijyen)

●8 nyied 14 hauh, Lungz- swng Gak Cuz Swciyen Lozgyangh Yangh Mbanjbaujcwng banh “cietcienzgo” moix bi gvaq mbat haenx, beixnuengx Dungcuz dangdieg doxcomz youq giz haenx, diuq gofoux yenzswnghdai, caez ciengq golaux Dungcuz, caez gangj saedceij gyaeundei. Gaenh geij bi neix daeuj, aen yienh neix doenggvaq banh gak cungj minz- cuz conzdungj ngoenzciet angqhoh hozdung, haenqrengz vatcimh caeuq swnjcienz vwnzva saujsu minzcuz, dajcaux daegsaek lijyouz aenmbanj minzcuz, binaengz yinx ndaej haujlai bouxhek daeuj yawjngonz youzcet.

(Vuz Swnghbinh Mungz Cwngcangz)

●Geij bi neix daeuj, Cingsih Si gaemdawz seizndei cauxlaeb “aen yienh okmingz lijyouz daeg- saek Guengjsae”, baengh bya- raemx doenghnaz swhyenz fung- fouq, haenqrengz dajcaux nungz- gyahloz youzcet、 nungzyez swngh- dai youqndwi yawjngonz youzcet, yungh “gihdi+hozcozse+nungzhoh” daengj fuengsik, youq Sinhcing、 Vadung、Dungzdwz、 Vujbingz daengj yanghcin laeb- baenz le 5000 lai moux nungzyez swnghdai youqndwi suenyawj- ngonz, bangcoh Cingsih lijyouzyez lienzdaemh riengjvaiq hwngfat.

(Cau Fuzboh Luz Lanz- hungz)

●8 nyied 16 hauh, dwg lig- gaeuq caet nyied cibseiq, Yungz- suij Myauzcuz Swciyen Dungdouz Cin Mbanjgyazdoj banh ciet nauh- bya conzdungj, vunzmbanj seiq yangh bet mbanj doxcomz youq Mbanjgyazdoj, ceng ciengj 1000 lai goenggaen byalix siengcwngh fukheiq haenx, angqhoh seiz fungsou yaek daeujdaengz haenx.

(Lungz Dauh)